საქართველოს მთავრობის
განკარგულება № 1920
2013 წლის 12 დეკემბერი
ქ. თბილისი
„საქართველოს სავაჭრო-სამრეწველო პალატის დაფინანსებასთან დაკავშირებული ზოგიერთი ღონისძიების შესახებ“ საქართველოს მთავრობის 2013 წლის 22 აგვისტოს N1103 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის შესაბამისად, „საქართველოს სავაჭრო-სამრეწველო პალატის დაფინანსებასთან დაკავშირებული ზოგიერთი ღონისძიების შესახებ“ საქართველოს მთავრობის 2013 წლის 22 აგვისტოს N1103 განკარგულებაში შეტანილ იქნეს ცვლილება და დაემატოს შემდეგი შინაარსის მე-3 პუნქტი:
„3. ამ განკარგულების მე-2 პუნქტით განსაზღვრული ღონისძიებების შეზღუდულ ვადებში შეუფერხებლად განხორციელების მიზნით, ამ განკარგულების მე-2 პუნქტის შესაბამისად, „საქართველოს 2013 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან გამოყოფილი სახსრების ფარგლებში შესყიდვები განხორციელდეს გამარტივებული ელექტრონული ტენდერის საშუალებით. ”.
პრემიერ-მინისტრი ირაკლი ღარიბაშვილი