საქართველოს მთავრობის
განკარგულება №706
2009 წლის 29 სექტემბერი
ქ. თბილისი
საქართველოს მთავრობასა და იაპონიის მთავრობას შორის 2008 წლის 25 დეკემბერს ნოტების ურთიერთგაცვლის საფუძველზე იაპონიის მთავრობის მიერ საქართველოს მთავრობისათვის გამოყოფილი არასაპროექტო გრანტის მიმღებ ორგანოს განსაზღვრისა და განსახორციელებელ ღონისძიებათა შესახებ
1. „გრანტების შესახებ” საქართველოს კანონის მე-4 მუხლის „ბ” ქვეპუნქტის შესაბამისად საქართველოს სოფლის მეურნეობის სამინისტრო განისაზღვროს 1.2 მილიარდი იაპონური იენის ოდენობის გრანტისა და საქართველოს მთავრობასა და იაპონიის მთავრობას შორის 2008 წლის 25 დეკემბრის ნოტების ურთიერთგაცვლის საფუძველზე იაპონიის მთავრობის მიერ საქართველოს მთავრობისათვის არასაპროექტო გრანტის (1.2 მილიარდი იენი) ფარგლებში გამოყოფილი სასოფლო-სამეურნეო ტექნიკის მიმღებ ორგანოდ.
2. საქართველოს ეკონომიკური განვითარების სამინისტრომ უზრუნველყოს საქართველოს სოფლის მეურნეობის სამინისტროს მიერ მიღებული სასოფლო-სამეურნეო ტექნიკის პრივატიზება კანონმდებლობით დადგენილი წესით.
პრემიერ-მინისტრი ნიკა გილაური