საქართველოს მთავრობის
განკარგულება №599
2009 წლის 14 აგვისტო
ქ. თბილისი
სამელიორაციო სისტემების ფუნქციონირების ხელშეწყობის ღონისძიებათა შესახებ
1. ,,საქართველოს 2009 წლის სახელმწიფო ბიუჯეტის შესახებ” საქართველოს კანონით გათვალისწინებული სამელიორაციო სისტემების ფუნქციონირების ხელშეწყობის ღონისძიებათა დაფინანსების მიზნით საქართველოს ფინანსთა სამინისტრომ ,,საქართველოს 2009 წლის სახელმწიფო ბიუჯეტის შესახებ” საქართველოს კანონით საქართველოს სოფლის მეურნეობის სამინისტროსათვის განსაზღვრული სამელიორაციო სისტემების ფუნქციონირების ხელშეწყობის ღონისძიებათა ასიგნებებიდან საკრედიტო რესურსად გამოყოს 65 000 (სამოცდახუთი ათასი) ლარი და საქართველოს სოფლის მეურნეობის სამინისტროსთან ერთად გააფორმოს სათანადო სასესხო ხელშეკრულება შეზღუდული პასუხისმგებლობის საზოგადოება ,,ალაზანი-მ”-თან”.
2. საბიუჯეტო სესხის დაბრუნების ვადად განისაზღვროს ორი წელი ხელშეკრულების ხელმოწერის დღიდან, ხოლო სესხის სარგებლად – წლიური ერთპროცენტიანი განაკვეთი.
პრემიერ-მინისტრი ნიკა გილაური