სახელმწიფო საკუთრებაში არსებული უძრავი ქონების წალენჯიხის მუნიციპალიტეტის საკუთრებაში გადაცემის შესახებ

საქართველოს მთავრობის

განკარგულება №553

2009 წლის 24 ივლისი

ქ. თბილისი

1. ,,ადგილობრივი თვითმმართველი ერთეულის ქონების შესახებ“ საქართველოს კანონის მე-6 მუხლის შესაბამისად დამტკიცდეს საქართველოს ეკონომიკური განვითარების სამინისტროს გადაწყვეტილება (საქართველოს ეკონომიკური განვითარების მინისტრის 2009 წლის 15 ივლისის № 15/826 წერილი) წალენჯიხის მუნიციპალიტეტის საკუთრებაში, ძირითადი (განუსხვისებელი) ქონების სახით, სახელმწიფო საკუთრებაში არსებული შემდეგი უძრავი ქონების გადაცემის შესახებ:

ა) ქ. წალენჯიხაში, კ. სალიას ქუჩაზე მდებარე კომისარიატის შენობა (გაშენების ფართობი – 220 კვ.მ, № 2 – ავტოფარეხი – 112 კვ.მ, № 3 – 3.6 კვ.მ; მიწის ფართობი 983 კვ.მ; მიწის (უძრავი ქონების) სარეგისტრაციო № 471101182);

ბ) ქ. წალენჯიხაში, თამარ მეფის ქუჩაზე მდებარე სახანძროს მთავარი კორპუსი (გაშენების ფართობი – 296.4 კვ.მ, ავტოფარეხი – 148.6 კვ.მ, ავზი – 28.3 კვ.მ; მიწის ფართობი 2511 კვ.მ; მიწის (უძრავი ქონების) სარეგისტრაციო № 471101181);

გ) ქ. წალენჯიხაში, სალიას ქუჩაზე მდებარე ქ. წალენჯიხის ცენტრალური ბაღი (მიწის ფართობი 9224 კვ.მ, მიწის (უძრავი ქონების) სარეგისტრაციო № 471101174);

დ) ქ. წალენჯიხაში, თამარ მეფის ქუჩაზე მდებარე სკვერი (მიწის ფართობი 1128 კვ.მ, მიწის (უძრავი ქონების) სარეგისტრაციო № 471101175);

ე) ქ. წალენჯიხაში, თამარ მეფის ქუჩაზე მდებარე პარკი (მიწის ფართობი 11453 კვ.მ, მიწის (უძრავი ქონების) სარეგისტრაციო № 471101180);

ვ) წალენჯიხაში, ლიის თემში მდებარე სკვერი (მიწის ფართობი 959.4 კვ.მ, მიწის (უძრავი ქონების) სარეგისტრაციო № 470206033);

ზ) წალენჯიხაში, ლიის თემში მდებარე სკვერი (მიწის ფართობი 1138 კვ.მ, მიწის (უძრავი ქონების) სარეგისტრაციო № 470207037).

2. საქართველოს ეკონომიკური განვითარების სამინისტრომ ამ განკარგულების შესრულების მიზნით განახორციელოს კანონმდებლობით გათვალისწინებული ღონისძიებები.

პრემიერ-მინისტრი ნიკა გილაური