საქართველოს მთავრობის
განკარგულება №1593
2013 წლის 27 ნოემბერი
ქ. თბილისი
„ზუგდიდის მუნიციპალიტეტში ტურიზმის განვითარების მიზნით ზოგიერთი ღონისძიების განხორციელების თაობაზე“ საქართველოს მთავრობის 2012 წლის 29 თებერვლის №370 განკარგულებაში ცვლილების შეტანის შესახებ
საქართველოს ზოგადი ადმინისტრაციული კოდექსის 63-ე მუხლის შესაბამისადб „ზუგდიდის მუნიციპალიტეტში ტურიზმის განვითარების მიზნით ზოგიერთი ღონისძიების განხორციელების თაობაზე“ საქართველოს მთავრობის 2012 წლის 29 თებერვლის № 370 განკარგულებაში შეტანილ იქნეს ცვლილება და პირველი პუნქტი ჩამოყალიბდეს შემდეგი რედაქციით:
„1. ზუგდიდის მუნიციპალიტეტის ტერიტორიაზე ახალი ბულვარის ცენტრალური პარკის, საველოსიპედო ბილიკების მოწყობისა და მასთან დაკავშირებული ხარჯების, შპს „ANAKLIA-GANMUKHURI RESORTS “-ის ფუნქციონირებისა და ანაკლია-განმუხურის ახალი სანაპირო ბულვარის ტერიტორიაზე კაფე-რესტორნის მეტალოკონსტრუქციული რესტორნის ნაწილის ბირთვის ტრანსპორტირებისა და მასთან დაკავშირებული სხვა ხარჯებისათვის საქართველოს ფინანსთა სამინისტრომ „საქართველოს 2012 წლის სახელმწიფო ბიუჯეტის შესახებ“ საქართველოს კანონის მე-19 მუხლის მე-2 პუნქტით გათვალისწინებული საქართველოს რეგიონებში განსახორციელებელი პროექტების ფონდიდან შპს „ANAKLIA-GANMUKHURI RESORTS “-ს გადაურიცხოს 12 500 000 (თორმეტი მილიონ ხუთასი ათასი) ლარი.
პრემიერ-მინისტრი ი. ღარიბაშვილი