საქართველოს მთავრობი ს
განკარგულება №593
2008 წლის 11 სექტემბერი
ქ. თბილისი
2008-2009 წლების ზამთრის სეზონთან დაკავშირებით ყოფილი საკოლმეურნეო ტყეების ტერიტორიიდან ადგილობრივი მოსახლეობის სათბობი შეშით უზრუნველყოფის ღონისძიებათა შესახებ
1. 2008-2009 წლების ზამთრის სეზონთან დაკავშირებით საქართველოს გარემოს დაცვისა და ბუნებრივი რესურსების სამინისტროს სახელმწიფო საქვეუწყებო დაწესებულებამ – სატყეო დეპარტამენტმა უზრუნველყოს:
ა) მოქმედი კანონმდებლობის მიხედვით ყოფილი საკოლმეურნეო ტყეების შესაბამისი თვითმმართველი ერთეულებისათვის გადაცემის პროცესის დასრულებამდე აღნიშნულ ტერიტორიებზე მცხოვრები ადგილობრივი მოსახლეობის საშეშე მერქნით მომარაგება;
ბ) ამ განკარგულების პირველი პუნქტის ,,ა” ქვეპუნქტში აღნიშნულ პროცედურათა გათვალისწინებით, თვითმმართველი ერთეულების მოტივირებული მოთხოვნის საფუძველზე, ერთობლივად, კომისიური წესით ტყეკაფების გამოყოფის კანონმდებლობით გათვალისწინებულ ღონისძიებათა განხორციელება და დადგენილი წესით გასცეს საშეშე მერქნის კანონიერების დამადასტურებელი დოკუმენტები.
2. განკარგულება ძალაშია ხელმოწერის დღიდან.
პრემიერ-მინისტრი ვ. გურგენიძე