საქართველოს მთავრობის
განკარგულება №352
2009 წლის 12 მაისი
ქ. თბილისი
ზესტაფონი - ქუთაისი - სამტრედიის საავტომობილო გზის მშენებლობა - რეკონსტრუქციის დეტალური პროექტის მომზადების დაჩქარების ღონისძიებათა შესახებ
1. საქართველოსა და იაპონიის საერთაშორისო განვითარების ასოციაციას (ჟIჩA) შორის სასესხო ხელშეკრულების გაფორმებამდე ზესტაფონი-ქუთაისი-სამტრედიის საავტომობილო გზის სამშენებლო-სარეკონსტრუქციო სამუშაოების დეტალური პროექტის მომზადების დაჩქარების მიზნით საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა იაპონიის საერთაშორისო განვითარების ასოციაციის (ჟIჩA) წესებითა და შესყიდვების პროცედურების დაცვით დაიწყოს სატენდერო პროცედურები საპროექტო ორგანიზაციის (კონსულტანტის) შესარჩევად და შესაძლოდ მოკლე დროში უზრუნველყოს ზესტაფონი-ქუთაისი-სამტრედიის საავტომობილო გზის სამშენებლო-სარეკონსტრუქციო სამუშაოების დეტალური პროექტის მომზადება იაპონიის საერთაშორისო განვითარების ასოციაციის (ჟIჩA) შესაბამისი ინსტრუქციების გათვალისწინებითა და ასოციაციასთან შეთანხმებით.
2. მიღებულ იქნეს ცნობად, რომ აღნიშნული პროექტის დასაწყებად გამოყენებული იქნება რეტროაქტიური დაფინანსების მეთოდი, რაც მნიშვნელოვნად შეამცირებს პროექტის განხორციელების ვადებს.
პრემიერ-მინისტრი ნიკა გილაური