საქართველოს მთავრობის
განკარგულება № 297
2009 წლის 14 აპრილი
ქ. თბილისი
მარტვილი- მარტვილის მონასტრის საავტომობილო გზის რეაბილიტაციის შესახებ
მარტვილი-მარტვილის მონასტრის საავტომობილო გზის რეაბილიტაციის მიზნით საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა:
ა) შესაძლოდ მოკლე დროში განახორციელოს მარტვილი-მარტვილის მონასტრის საავტომობილო გზის რეაბილიტაცია ,,საქართველოს 2009 წლის სახელმწიფო ბიუჯეტის შესახებ” საქართველოს კანონით საქართველოს საავტომობილო გზების დეპარტამენტისათვის ,,გზების პერიოდული შეკეთებისა და რეაბილიტაციის” ხარჯების მუხლით (ორგანიზაციული კოდი 25 03 01 02 01) განსაზღვრული ასიგნებებიდან;
ბ) სარეაბილიტაციო სამუშაოების შეზღუდულ ვადებში შეუფერხებლად განხორციელების მიზნით სახელმწიფო შესყიდვა განახორციელოს ერთ პირთან მოლაპარაკების საშუალებით, ,,სახელმწიფო შესყიდვების შესახებ” საქართველოს კანონის მე-10 მუხლის მე-3 პუნქტის ,,ე” ქვეპუნქტის თანახმად.
პრემიერ-მინისტრი ნიკა გილაური