საქართველოს მთავრობის
განკარგულება № 294
2009 წლის 14 აპრილი
ქ. თბილისი
საქართველოს განათლებისა და მეცნიერების სამინისტროს მიერ სახელმწიფო შესყიდვის ერთ პირთან მოლაპარაკების საშუალებით განხორციელების შესახებ
,,სახელმწიფო შესყიდვების შესახებ” საქართველოს კანონის მე-10 მუხლის მე-3 პუნქტის ,,ე” ქვეპუნქტის შესაბამისად საქართველოს განათლებისა და მეცნიერების სამინისტრომ სახელმწიფოებრივი და საზოგადოებრივი მნიშვნელობის ღონისძიებათა შეზღუდულ ვადებში შეუფერხებლად გატარების მიზნით ერთ პირთან მოლაპარაკების საშუალებით განახორციელოს სახელმწიფო შესყიდვა 72 863 ლარის ოდენობით პროექტ ,,სკოლბურთის” განსახორციელებლად ,,საქართველოს 2009 წლის სახელმწიფო ბიუჯეტის შესახებ” საქართველოს კანონით განსაზღვრული საქართველოს განათლებისა და მეცნიერების სამინისტროს ,,განსაკუთრებით ნიჭიერი ბავშვებისა და ახალგაზრდების მხარდაჭერის პროგრამა _ ეროვნული და საერთაშორისო ოლიმპიადები” პროგრამის (ორგანიზაციული კოდი 32 14 04 02) ,,მოსწავლეთა ფიზიკური განვითარების ხელშეწყობის ქვეპროგრამის” ასიგნებებიდან.
პრემიერ-მინისტრი ნიკა გილაური