„სახელმწიფო დაცვის სპეციალური სამსახურის დებულების დამტკიცების თაობაზე“ საქართველოს მთავრობის 2013 წლის 28 მარტის №71 დადგენილებაში ცვლილების შეტანის შესახებ

 1. მე-15 მუხლი ჩამოყალიბდეს შემდეგი რედაქციით:

„მუხლი 15. სამსახურის სტრუქტურული დანაყოფებია:

ა) სამსახურის ადმინისტრაცია (დეპარტამენტი);

ბ) პირადი დაცვის დეპარტამენტი;

გ) საქართველოს პრემიერ-მინისტრის დაცვის მთავარი სამმართველო;

დ) განსაკუთრებული მნიშვნელობის ობიექტების დაცვის დეპარტამენტი;

ე) ოპერატიული დეპარტამენტი;

ვ) ოპერატიულ-ტექნიკური დეპარტამენტი;

ზ) გენერალური ინსპექცია (დეპარტამენტი);

თ) ეკონომიკური დეპარტამენტი;

ი) სპეციალური დანიშნულების დეპარტამენტი;

კ) კადრების მთავარი სამმართველო;

ლ) ესკორტირების მთავარი სამმართველო;

მ) სამედიცინო მთავარი სამმართველო;

ნ) აფხაზეთის ავტონომიური რესპუბლიკის მთავარი სამმართველო;

ო) აჭარის ავტონომიური რესპუბლიკის მთავარი სამმართველო.“.

 2. მე-16 მუხლის მე-2 პუნქტი ჩამოყალიბდეს შემდეგი რედაქციით:

„2. პირადი დაცვის დეპარტამენტის ძირითადი ამოცანებია:

ა) საქართველოს პრეზიდენტისა და მისი ოჯახის წევრების დაცვისა და უსაფრთხოების ღონისძიებების განხორციელება;

ბ) საქართველოს პრეზიდენტისა და მისი ოჯახის წევრების უსაფრთხო ევაკუაცია მათი სიცოცხლისა და ჯანმრთელობის მიმართ საფრთხის არსებობის შემთხვევაში;

გ) საქართველოს პარლამენტის თავმჯდომარის და სხვა დასაცავი პირების დაცვისა და უსაფრთხოების ღონისძიებების უზრუნველყოფა;

დ) საქართველოს პრეზიდენტის უფლებამოსილების შეწყვეტის შემდეგ მისი სიცოცხლის ბოლომდე საქართველოს პრეზიდენტისა და მისი ოჯახის წევრების დაცვისა და უსაფრთხოების ღონისძიებების უზრუნველყოფა;

ე) თავისი კომპეტენციის ფარგლებში, საქართველოს მთავრობის მიერ დამტკიცებული ნუსხის შესაბამისად, საქართველოს საკანონმდებლო, აღმასრულებელი და სასამართლო ხელისუფლების უმაღლესი თანამდებობის პირების დაცვითი ღონისძიებების განხორციელება;

ვ) იმ პირთა დაცვითი ღონისძიებებით უზრუნველყოფა, რომლებსაც საქართველოს მთავრობის გადაწყვეტილებით დაენიშნებათ პერსონალური დაცვა;

ზ) საქართველოში ვიზიტად მყოფი უცხო ქვეყნების სახელმწიფო მეთაურებისა და განსაკუთრებით მნიშვნელოვანი პირების დაცვითი ღონისძიებებით უზრუნველყოფა;

თ) დასაცავი პირების სიცოცხლისა და ჯანმრთელობისათვის საფრთხის შემცველ ვითარებაში მათი უსაფრთხო ევაკუაციის უზრუნველყოფა.“.

3. მე-16 მუხლს დაემატოს „2¹“ პუნქტი შემდეგი რედაქციით:

„2¹. საქართველოს პრემიერ-მინისტრის დაცვის მთავარი სამმართველოს ამოცანებია:

ა) საქართველოს პრემიერ-მინისტრის დაცვისა და უსაფრთხოების ღონისძიებების უზრუნველყოფა;

ბ) საქართველოს პრემიერ-მინისტრის ოჯახის წევრების დაცვისა და უსაფრთხოების ღონისძიებების უზრუნველყოფა;

გ) საქართველოს პრემიერ-მინისტრის და მისი ოჯახის წევრების უსაფრთხო ევაკუაციის უზრუნველყოფა მათი სიცოცხლისა და ჯანმრთელობის მიმართ საფრთხის არსებობის შემთხვევაში.“.

4. მე-16 მუხლის მე-15 პუნქტი ამოღებულ იქნეს.