სტიქიური მოვლენების შედეგად დაზარალებული ონისა და ცაგერის რაიონებისათვის დახმარების გაწევის ღონისძიებათა შესახებ

საქართველოს მთავრობის

განკარგულება №192

2005 წლის 20 მაისი

ქ. თბილისი

ონისა და ცაგერის რაიონებში სტიქიის შედეგების სალიკვიდაციოდ, საშიშ ზონაში მცხოვრები მოსახლეობის დასაცავად შესასრულებელია გადაუდებელი სამუშაოები მდინარეთა ნაპირების გასამაგრებლად და კალაპოტების შესაცვლელად, რაც ვერ ხორციელდება სათანადო ტექნიკის უქონლობის გამო.

ზემოაღნიშნული რაიონებისათვის დახმარების გაწევის მიზნით:

1. საქართველოს ფინანსთა სამინისტრომ (ვ. ჩეჩელაშვილი) უზრუნველყოს საქართველოს მთავრობის სარეზერვო ფონდიდან თანხის გამოყოფა მძიმე ტექნიკით მომსახურების უზრუნველსაყოფად:

- ონის რაიონის გამგეობისათვის 100 000 (ასი ათასი) ლარი;

- ცაგერის რაიონის გამგეობისათვის 50 000 (ორმოცდაათი ათასი) ლარი.

2. განკარგულება ძალაშია ხელმოწერის დღიდან.

პრემიერ-მინისტრი ზ. ნოღაიდელი