ყაზბეგის რაიონის ბუნებრივი გაზით მომარაგებისა და მისი საფასურის სახელმწიფო ბიუჯეტიდან დაფინანსების შესახებ

საქართველოს მთავრობის

განკარგულება №181

2005 წლის 11 მაისი

ქ. თბილისი

„მაღალმთიანი რეგიონების სოციალურ-ეკონომიკური და კულტურული განვითარების შესახებ“ საქართველოს კანონის შესაბამისად მკაცრი ბუნებრივი და მძიმე სოციალურ-ეკონომიკური პირობების მქონე ყაზბეგის რაიონის გაზმომარაგების შეფერხების თავიდან აცილების მიზნით:

1. ყაზბეგის რაიონის მაღალმთიანი რეგიონების მოსახლეობისათვის სს „ ყაზბეგგაზის“ მიერ 2005 წლის მარტში მიწოდებული ბუნებრივი გაზის საფასურის ასანაზღაურებლად „ საქართველოს 2005 წლის სახელმწიფო ბიუჯეტის შესახებ“ საქართველოს კანონით განსაზღვრული საქართველოს მთავრობის სარეზერვო ფონდიდან საქართველოს ენერგეტიკის სამინისტროს გამოეყოს 1 002 653 (ერთი მილიონ ორი ათას ექვსას ორმოცდაცამეტი) ლარი საქართველოს გაზის საერთაშორისო კორპორაციისათვის გადასარიცხად.

2. საქართველოს გაზის საერთაშორისო კორპორაციამ და სს „ ყაზბეგგაზმა“ უზრუნველყონ მოსახლეობის მიერ მოხმარებული გაზის სუბსიდირებისათვის გამოყოფილი საბიუჯეტო თანხების ასახვა შეღავათების მქონე აბონენტთათვის გახსნილ სპეციალურ საანგარიშსწორებო ბარათებზე.

3. განკარგულების შესრულების კონტროლი განახორციელონ საქართველოს ფინანსთა მინისტრმა ვ. ჩეჩელაშვილმა და საქართველოს ადმინისტრაციულ-ტერიტორიულ ერთეუ-ლებში (ახალგორის, დუშეთის, თიანეთის, მცხეთისა და ყაზბეგის რაიონები) საქართველოს პრეზიდენტის სახელმწიფო რწმუნებულმა ვ. მაღლაფერიძემ.

4. განკარგულება ძალაშია ხელმოწერისთანავე.

პრემიერ-მინისტრი ზ. ნოღაიდელი