სოფლის მეურნეობაში დასაქმებული მოსახლეობისათვის მინერალური სასუქით დახმარების შესახებ

ს აქართველოს მთ ავრობის

განკარგულება № 76

2006 წლის 22 თებერვალი

ქ. თბილისი

საგაზაფხულო სამუშაოთა ეფექტიანად შესასრულებლად საქართველოს სოფლის მეურნეობაში დასაქმებული თითოეული ოჯახისათვის 25 კილოგრამი მინერალური სასუქის (გვარჯილა) გამოყოფის მიზნით:

1. საქართველოს სოფლის მეურნეობის სამინისტრომ (მ. სვიმონიშვილი) კანონმდებლობით დადგენილი წესით უზრუნველყოს სახელმწიფო შესყიდვის განხორციელება ერთ პირთან მოლაპარაკების გზით შესაბამისი რაოდენობის მინერალური სასუქის შესაძენად და საქართველოს რეგიონებში სასუქის ტრანსპორტირებისათვის.

2. საქართველოს ფინანსთა სამინისტრომ (ა. ალექსიშვილი) „ საქართველოს 2006 წლის სახელმწიფო ბიუჯეტის შესახებ „ საქართველოს კანონით გათვალისწინებული საქართველოს მთავრობის სარეზერვო ფონდიდან სოფლის მეურნეობის სამინისტროს პირველ ეტაპზე გამოუყოს 7 100 000 (შვიდი მილიონ ასი ათასი) ლარი სასუქის შეძენისა და ტრანსპორტირებისათვის.

3. განკარგულების შესრულების კონტროლი განახორციელონ საქართველოს სოფლის მეურნეობის სამინისტრომ (მ. სვიმონიშვილი) და საქართველოს მთავრობის კანცელარიის რეგიონალურ საკითხთა დეპარტამენტმა (ჯ. ბაკურაძე).

4. განკარგულება ძალაშია ხელმოწერის დღიდან.

პრემიერ-მინისტრი ზ. ნოღაიდელი