|
,,ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ: |
1.
,,დიპლომატიური სამსახურის გავლის წესის დამტკიცების შესახებ“ საქართველოს საგარეო საქმეთა მინისტრის 2009 წლის 18 ნოემბრის N220 ბრძანებით (სსმ, 144, 24/11/2009) დამტკიცებულ წესში შეტანილ იქნეს შემდეგი ცვლილებები: |
ა)
მე-10 მუხლის მე-6 პუნქტი ჩამოყალიბდეს შემდეგი რედაქციით:
,,6. გამოსაცდელი ვადა გამოიყენება მხოლოდ სამინისტროს ცენტრალურ აპარატში: ა) პირის სამსახურში პირველად დანიშვნის დროს; ბ) პირის მიმართ, რომელიც წინა გამოსაცდელი ვადის განმავლობაში გათავისუფლებულ იქნა დაკავებული თანამდებობიდან ამავე მუხლის მე-3 პუნქტის შესაბამისად.“; |
ბ)
38-ე მუხლის პირველი პუნქტის ,,ა“ ქვეპუნქტი ჩამოყალიბდეს შემდეგი რედაქციით:
,,ა) პირი, რომელიც სამსახურიდან გაათავისუფლეს დაწესებულების ლიკვიდაციის, შტატების შემცირების, ხანგრძლივი შრომისუუნარობის ან ჯანმრთელობის მდგომარეობის შეუსაბამობის გამო ან ამ წესის მე-10 მუხლის მე-3 პუნქტის შესაბამისად;“; |
გ)
38-ე მუხლის პირველი პუნქტის ,,ი1“ ქვეპუნქტი ჩამოყალიბდეს შემდეგი რედაქციით:
,,ი1) თანამდებობიდან გათავისუფლებისას ან ხელშეკრულების შეწყვეტისას (დასრულებისას) სამინისტროს სისტემის არადიპლომატიური თანამდებობის პირი ან სამინისტროს სისტემაში შრომითი ხელშეკრულების საფუძველზე სამუშაოდ მიღებული პირი, რომელსაც ადრე ეკავა დიპლომატიური თანამდებობა და/ან მინიჭებული ჰქონდა დიპლომატიური რანგი, საკონკურსო-საატესტაციო კომისიის გადაწყვეტილებით;“. |
2.
ბრძანება ამოქმედდეს გამოქვეყნებისთანავე. |
|