საქართველოს სოფლის მეურნეობის სამინისტროს სისტემაში შემავალი საჯარო სამართლის იურიდიული პირის - სურსათის ეროვნული სააგენტოს უფროსის მოადგილის ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნების და საკონკურსო თემატიკის დამტკიცების თაობაზე

საქართველოს სოფლის მეურნეობის მინისტრის

ბრძანება №2-242

2013 წლის 4 ნოემბერი

ქ. თბილისი

„საჯარო სამსახურის შესახებ“ საქართველოს კანონის 11¹ მუხლის, ამავე კანონის მე-19 მუხლის პირველი და მე-3 პუნქტებისა და „საქართველოს სოფლის მეურნეობის სამინისტროს დებულების დამტკიცების შესახებ“ საქართველოს მთავრობის 2012 წლის 28 დეკემბრის №485 დადგენილებით დამტკიცებული დებულების მე-5 მუხლის პირველი პუნქტის „რ“ ქვეპუნქტის საფუძველზე, ვბრძანებ :

მუხლი 1

დამტკიცდეს თანდართული საქართველოს სოფლის მეურნეობის სამინისტროს სისტემაში შემავალი საჯარო სამართლის იურიდიული პირის - სურსათის ეროვნული სააგენტოს უფროსის მოადგილის ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნები და საკონკურსო თემატიკა.

მუხლი 2

ბრძანება ამოქმედდეს გამოქვეყნებისთანავე.

საქართველოს სოფლის მეურნეობის მინისტრი შალვა ფიფია

საქართველოს სოფლის მეურნეობის სამინისტროს სისტემაში შემავალი საჯარო სამართლის იურიდიული პირის - სურსათის ეროვნული სააგენტოს უფროსის მოადგილის ვაკანტური თანამდებობების დასაკავებლად კანდიდატებისათვის დამატებითი საკვალიფიკაციო მოთხოვნები და საკონკურსო თემატიკა

მუხლი 1

1. კონკურსში მონაწილე კანდიდატი უნდა იყოს საქართველოს ქმედუნარიანი მოქალაქე და ფლობდეს საქართველოს სახელმწიფო ენას.

2. საქართველოს სოფლის მეურნეობის სამინისტროს სისტემაში შემავალი საჯარო სამართლის იურიდიული პირის - სურსათის ეროვნული სააგენტოს (შემდგომში-სააგენტო) უფროსის მოადგილის ვაკანტური თანამდებობების დასაკავებლად კანდიდატებისათვის დამტკიცდეს შემდეგი დამატებითი საკვალიფიკაციო მოთხოვნები:

ა) უმაღლესი განათლება (კვალიფიკაცია-ვეტერინარი ექიმი, ჰიგიენისტი, მცენარეთა დამცველი);

ბ) ხელმძღვანელ თანამდებობაზე მუშაობის არანაკლებ 8 წლიანი გამოცდილება;

გ) არანაკლებ 5-წლიანი სამუშაო გამოცდილება სოფლის მეურნეობაში ან დარგთან კავშირში მყოფ სხვა სფეროში;

დ) უცხო ენის ცოდნა (სასურველია);

ე) საოფისე-კომპიუტერული პროგრამები (Microsof word, internet, e-mail, exsel ).

მუხლი 1¹

1. კონკურსში მონაწილე კანდიდატი უნდა იყოს საქართველოს ქმედუნარიანი მოქალაქე და ფლობდეს საქართველოს სახელმწიფო ენას.
2. სააგენტოს უფროსის მოადგილის ვაკანტური თანამდებობის დასაკავებლად კანდიდატებისათვის დამტკიცდეს შემდეგი დამატებითი საკვალიფიკაციო მოთხოვნები:
ა) უმაღლესი განათლება;
ბ) მუშაობის არანაკლებ 8-წლიანი გამოცდილება;
გ) ხელმძღვანელ თანამდებობაზე მუშაობის არანაკლებ 5-წლიანი სამუშაო გამოცდილება;
დ) სავალდებულოა უცხო ენების (ინგლისური, რუსული) ცოდნა;
ე) სავალდებულოა MS Office Application -ის ცოდნა.

საქართველოს სოფლის მეურნეობის მინისტრის 2015 წლის 18 მარტის ბრძანება №2-67 - ვებგვერდი, 19.03.2015წ.

მუხლი 2

სააგენტოს უფროსის მოადგილის ვაკანტური თანამდებობების დასაკავებლად კანდიდატებისათვის დამტკიცდეს შემდეგი საკონკურსო თემატიკა:

ა) საქართველოს კონსტიტუციის პირველი და მეორე თავები;

ბ) „საჯარო სამსახურის შესახებ“ საქართველოს კანონი;

გ) საქართველოს შრომის კოდექსი;

დ) საქართველოს ზოგადი ადმინისტრაციული კოდექსი;

ე) „საჯარო სამართლის იურიდიული პირის შესახებ“ საქართველოს კანონი;

ვ) „სურსათის /ცხოველის საკვების უვნებლობის, ვეტერინარიისა და მცენარეთა დაცვის კოდექსი“ ;

ზ) საჯარო სამართლის იურიდიული პირის – სურსათის ეროვნული სააგენტოს დებულების დამტკიცების შესახებ“ საქართველოს სოფლის მეურნეობის მინისტრის 2011 წლის 14 იანვრის №2-3 ბრძანება.