|
1.
„ნორმატიული აქტების შესახებ“ საქართველოს კანონის მე-20 მუხლის შესაბამისად, „თანამდებობის პირის ქონებრივი მდგომარეობის დეკლარაციის წარდგენის წესისა და იმ თანამდებობის პირთა თანამდებობრივი რეესტრის დამტკიცების შესახებ, რომელთათვისაც სავალდებულოა ქონებრივი მდგომარეობის დეკლარაციის შევსება“ საქართველოს პრეზიდენტის 2010 წლის 14 იანვრის №22 ბრძანებულების (სსმ, III ნაწ., 2010 წ., №6, მუხ. 35) პირველი პუნქტით დამტკიცებულ თანამდებობრივ რეესტრში შეტანილ იქნეს შემდეგი ცვლილებები და დამატება: |
ა)
მე-6 მუხლის: |
ა.ა)
„ა“ ქვეპუნქტი ჩამოყალიბდეს შემდეგი რედაქციით:
„ა) მინისტრის აპარატის ხელმძღვანელი;“; |
ა.ბ)
„გ“ ქვეპუნქტი ჩამოყალიბდეს შემდეგი რედაქციით:
„გ) საერთაშორისო ურთიერთობების დეპარტამენტის ხელმძღვანელი;“; |
ა.გ)
„დ“ ქვეპუნქტი ჩამოყალიბდეს შემდეგი რედაქციით:
„დ) საინვესტიციო პროექტების დეპარტამენტის ხელმძღვანელი;“; |
ა.დ)
„ზ“ ქვეპუნქტი ჩამოყალიბდეს შემდეგი რედაქციით:
„ზ) საზოგადოებასთან ურთიერთობის დეპარტამენტის ხელმძღვანელი;“; |
ა.ე)
„ი“ ქვეპუნქტი ჩამოყალიბდეს შემდეგი რედაქციით:
„ი) შიდა აუდიტის დეპარტამენტის ხელმძღვანელი;“; |
ბ)
მე-6 მუხლს დაემატოს შემდეგი შინაარსის „კ“ ქვეპუნქტი:
„კ) საჯარო სამართლის იურიდიული პირის - ნავთობისა და გაზის სახელმწიფო სააგენტოს ხელმძღვანელი.“. |
2.
ამ ბრძანებულების პირველი პუნქტის „ბ“ ქვეპუნქტში მითითებულმა თანამდებობის პირმა, რომელიც ამ ბრძანებულების ამოქმედებამდე არ იყო გათვალისწინებული იმ თანამდებობის პირთა თანამდებობრივ რეესტრში, რომელთათვისაც სავალდებულოა ქონებრივი მდგომარეობის დეკლარაციის შევსება, თანამდებობის პირის ქონებრივი მდგომარეობის დეკლარაცია საჯარო სამსახურის ბიუროს წარუდგინოს ამ ბრძანებულების ამოქმედებიდან 2 თვეში. |
3.
ეს ბრძანებულება ამოქმედდეს გამოქვეყნებისთანავე. |
|