საქართველოს მთ ავრობის
განკარგულება № 411
2005 წლის 9 ოქტომბერი
ქ. თბილისი
კომპანია „ TRAMEX INTER NATIONAL INC. “ -ის წილის 50 პროცენტის მფლობელი იოანის კარდასაპოლუსის მიერ საინვესტიციო დავების გადაწყვეტის საერთაშორისო ცენტრში საქართველოს სახელმწიფოს წინააღმდეგ შეტანილ სარჩელთან დაკავშირებული ღონისძიებების შესახებ
საინვესტიციო დავების გადაწყვეტის საერთაშორისო ცენტრში კომპანია „ TRAMEX INTER NATIONAL INC. “ -ის წილის 50 პროცენტის მფლობელი იოანის კარდასაპოლუსის მიერ საქართველოს სახელმწიფოს წინააღმდეგ შეტანილ სარჩელთან დაკავშირებით საქართველოს სახელმწიფოს წარმომადგენლობისა და მისი ინტერესების ეფექტიანად დაცვის უზრუნველყოფის მიზნით:
1. საქართველოს ფინანსთა სამინისტრომ (ა. ალექსიშვილი) შეძლებისდაგვარად მოკლე ვადაში „ საქართველოს საბიუჯეტო სისტემის შესახებ “ საქართველოს კანონის მე-13 მუხლის მე-2 პუნქტის შესაბამისად საქართველოს იუსტიციის სამინისტროს საქართველოს მთავრობის სარეზერვო ფონდიდან გამოუყოს 275 000 (ორას სამოცდათხუთმეტი ათასი) ფუნტი სტერლინგის ეკვივალენტი თანხა ლარობით საადვოკატო მომსახურებისათვის.
2. ეთხოვოს სსიპ „ სახელმწიფო შესყიდვების სააგენტოს “ , რომ „ სახელმწიფო შესყიდვების შესახებ “ საქართველოს კანონის 22-ე მუხლის პირველი პუნქტის „ გ “ ქვეპუნქტით განსაზღვრული ფორსმაჟორული სიტუაციის გათვალისწინებით ნება დართოს საქართველოს იუსტიციის სამინისტროს განახორციელოს საადვოკატო მომსახურება ერთ პირთან მოლაპარაკების გზით.
3. განკარგულება ძალაშია ხელმოწერის დღიდან.
პრემიერ-მინისტრი ზ . ნოღაიდელი