საქართველოს ეკონომიკური განვითარების სამინისტროსათვის უფლებამოსილების მინიჭებისა და მისი გრანტის მიმღებ ორგანოდ განსაზღვრის შესახებ

საქართველოს მთავრობის

განკარგულება № 302

2006 წლის 28 ივნისი

ქ. თბილისი

1. მიენიჭოს უფლებამოსილება საქართველოს ეკონომიკური განვითარების სამინისტროს, რომ საქართველოს მთავრობის სახელით დადოს ხელშეკრულება კომპანია Cisco Systems Internacional BV (Cisco)-თან „საქართველოს ერთიანი სამთავრობო ქსელის” დანერგვის ხელშეწყობის მიზნით.

2. „გრანტების შესახებ” საქართველოს კანონის შესაბამისად განკარგულების პირველ პუნქტში აღნიშნული ხელშეკრულებით გათვალისწინებული გრანტის მიმღებ ორგანოდ განისაზღვროს საქართველოს ეკონომიკური განვითარების სამინისტრო.

3. განკარგულება ძალაშია ხელმოწერის დღიდან.

პრემიერ-მინისტრი ზ. ნოღაიდელი