საქართველოს მთავრობის
განკარგულება № 219
2006 წლის 17 მაისი
ქ. თბილისი
საქართველოში სასურსათო წარმოების ზრდის მიზნით გამოყოფილი იაპონიის გრანტის 2K R-VII პროგრამის განკარგვის შესახებ
იაპონიის მთავრობასა და საქართველოს მთავრობას შორის 2005 წლის 11 მარტს ნოტების ურთიერთგაცვლის საფუძველზე იაპონიის მთავრობის მიერ საქართველოს მთავრობისათვის სასურსათო წარმოების გასაზრდელად გამოყოფილი გრანტის 2KR-VII პროგრამის ეფექტიანი რეალიზაციის მიზნით:
1. საქართველოს სოფლის მეურნეობის სამინისტრომ კანონმდებლობით დადგენილი წესით უზრუნველყოს სასურსათო წარმოების ზრდის მიზნით გამოყოფილი იაპონიის გრანტის 2KR-VII პროგრამის განკარგვის ღონისძიებათა განხორციელება.
2. საქართველოს ფინანსთა სამინისტრომ (ა. ალექსიშვილი)) უზრუნველყოს ხაზინის ერთიან ანგარიშზე ჩარიცხული იაპონიის გრანტის 2KR-VII პროგრამის თანხების აღრიცხვა სადეპოზიტო ქვეანგარიშზე შესაბამისი სახაზინო კოდით.
3. საქართველოს სოფლის მეურნეობის სამინისტრომ (მ. სვიმონიშვილი) პერიოდულად წარუდგინოს ინფორმაცია საქართველოს მთავრობას იაპონიის გრანტის 2KR-VII პროგრამის რეალიზაციის შესახებ.
4. განკარგულება ძალაშია ხელმოწერის დღიდან.
პრემიერ-მინისტრი ზურაბ ნოღაიდელი