საქართველოს მთავრობის
განკარგულება № 166
2006 წლის 5 აპრილი
ქ. თბილისი
ქ. თბილისში, „ვარდების რევოლუციის” სახელობის მოედნისა და რუსთაველის გამზირის № 37-ის (ე. წ. მელიქ აზარიანცის სახლი) მიმდებარე მიწის ნაკვეთის, მ. ჯავახიშვილის, რ. თაბუკაშვილის ქუჩებსა და „ვარდების რევოლუციის” მოედანს შორის არსებული მიწის ნაკვეთის განკარგვის შესახებ
„სახელმწიფო საკუთრებაში არსებული არასასოფლო-სამეურნეო დანიშნულების მიწის მართვისა და განკარგვის შესახებ” საქართველოს კანონის მე-3 მუხლის მე-4 პუნქტის „ა” ქვეპუნქტის შესაბამისად მიღებულ იქნეს ქ. თბილისის მთავრობის წინადადება და მიეცეს ნებართვა, რომ კონკურსის წესით განკარგოს ქ. თბილისში რუსთაველის გამზირის № 37-ში მელიქ აზარიანცის შენობასა და გასართობ სავაჭრო კომპლექს „სავანეს” შორის ე. წ. „თაღების” დემონტაჟით გამოთავისუფლებული 1004 კვ. მ მიწის ნაკვეთი, ასევე მ. ჯავახიშვილის, რ. თაბუკაშვილის ქუჩებსა და „ვარდების რევოლუციის” სახელობის მოედანს შორის არსებული 3700 კვ. მ მიწის ნაკვეთი.
პრემიერ-მინისტრი ზ. ნოღაიდელი