საქართველოს ორგანულ კანონში „საქართველოს საარჩევნო კოდექსი“ ცვლილების შეტანის შესახებ

    1. 33-ე მუხლის პირველი პუნქტი ჩამოყალიბდეს შემდეგი რედაქციით:

  „1. გადასატანი საარჩევნო ყუთის სია დგება ამომრჩეველთა (გარდა კენჭისყრის დღეს სხვა სახელმწიფოში მყოფი ამომრჩევლებისა) ერთიანი და სპეციალური სიების საფუძველზე, თუ:

  ა) ამომრჩეველს შეზღუდული შესაძლებლობის ანდა ჯანმრთელობის მდგომარეობის გამო დამოუკიდებლად არ შეუძლია კენჭისყრის შენობაში მისვლა;

    ბ) ამომრჩეველი პატიმრობაში იმყოფება;

  გ) ამომრჩეველი სამკურნალოდ წევს საავადმყოფოში ან სხვა სტაციონარულ სამკურნალო დაწესებულებაში და მასში არ იხსნება საარჩევნო უბანი;

   დ) ამომრჩეველი სამხედრო მოსამსახურეა, მსახურობს საქართველოს  სახელმწიფო საზღვარზე განლაგებულ სამხედრო ნაწილში, რომელიც საარჩევნო უბნიდან შორსაა განლაგებული, და მასში არ იხსნება საარჩევნო უბანი;

    ე) იმყოფება საარჩევნო უბნის ტერიტორიაზე, მაგრამ ძნელად მისადგომ ადგილას.“.

   2. 45-ე მუხლს დაემატოს შემდეგი შინაარსის მე-11 პუნქტი:

   „11. კენჭისყრის დღეს კენჭისყრის შენობაში აკრძალულია წინასაარჩევნო აგიტაცია.“.

   3. 66-ე მუხლს დაემატოს შემდეგი შინაარსის მე-11 პუნქტი:

  „11. კენჭისყრის დღეს სხვა სახელმწიფოში მყოფი ამომრჩევლებისთვის გადასატანი საარჩევნო ყუთის მეშვეობით კენჭისყრის პროცედურა არ ტარდება.“.

   4. 184¹ მუხლს დაემატოს შემდეგი შინაარსის 21-ე პუნქტი:

  „21. ამ კანონის 49-ე მუხლის მე-3 პუნქტის მოქმედება არ ვრცელდება სააგენტოზე მის მიერ ამ მუხლით გათვალისწინებული ამომრჩეველთა ერთიანი სიის ფორმირებისათვის საჭირო პროექტების/პროგრამების განხორციელებისას.“.

   მუხლი 2. ეს კანონი ამოქმედდეს გამოქვეყნებისთანავე.