|
„ხობის მუნიციპალიტეტის ადგილობრივი თვითთმართველობის საჯარო მოხელეთა კონკურსისა და ატესტაციის ჩატარების და საკონკურსო-საატესტაციო მუდმივმოქმედი კომისიის საქმიანობის წესის დამტკიცების თაობაზე“ ხობის მუნიციპალიტეტის საკრებულოს 2013 წლის 30 მაისის №11 დადგენილებაში ცვლილების შეტანის შესახებ
|
„ნორმატიული აქტების შესახებ“ საქართველოს კანონის მე-20 მუხლის შესაბამისად, ხობის მუნიციპალიტეტის საკრებულო ადგენს: |
1.
„ხობის მუნიციპალიტეტის ადგილობრივი თვითთმართველობის საჯარო მოხელეთა კონკურსისა და ატესტაციის ჩატარების და საკონკურსო-საატესტაციო კომისიის საქმიანობის წესის დამტკიცების თაობაზე“ ხობის მუნიციპალიტეტის საკრებულოს 2013 წლის 30 მაისის N11 დადგენილებაში („საქართველოს საკანონმდებლო მაცნე“, ვებგვერდი, 06/06/2013 სახელმწიფო სარეგისტრაციო კოდი: 010250020.35.106.016089) შეტანილ იქნეს შემდეგი ცვლილება: |
ა)
დადგენილებით დამტკიცებული კომისიის საქმიანობის წესის მე-12 მუხლის მეოთხე პუნქტი ჩამოყალიბდეს შემდეგი რედაქციით:
„4. კონკურსის პროგრამას, პირობებსა და ჩატარების გრაფიკს განსაზღვრავს კომისია საკრებულოს თავმჯდომარესთან შეთანხმებით.“ |
ბ)
დადგენილებით დამტკიცებული კომისიის საქმიანობის წესის მე-21 მუხლის მე-2 პუნქტი ჩამოყალიბდეს შემდეგი რედაქციით:
„2. ხობის მუნიციპალიტეტის გამგეობაში ატესტაციის ჩატარების დროს განსაზღვრავს საკრებულოს თავმჯდომარე კომისიასთან შეთანხმებით.“ |
გ)
დადგენილებით დამტკიცებული კომისიის საქმიანობის წესის მე-21 მუხლის მე-4 პუნქტი ჩამოყალიბდეს შემდეგი რედაქციით:
„4. ხობის მუნიციპალიტეტის გამგეობაში ატესტაციას დაქვემდებარებულ პირთა სიას და ატესტაციის ჩატარების გრაფიკს ამზადებს გამგეობის ადმინისტრაციული სამსახური და კომისიასთან შეთანხმებით ამტკიცებს საკრებულოს თავმჯდომარე.“ |
დ)
დადგენილებით დამტკიცებული კომისიის საქმიანობის წესის მე-24 მუხლის მე-4 პუნქტი ჩამოყალიბდეს შემდეგი რედაქციით:
„4. ატესტაციის შედეგების შესახებ კომისია დამნიშვნელ პირს წარუდგენს ინფორმაციას ატესტაციის პროცესის დასრულებიდან ერთ კვირაში.“ |
2.
დადგენილება ძალაში შევიდეს გამოქვეყნებისთანავე. |
|