საქართველოს კულტურისა და ძეგლთა დაცვის
მინისტრის ბრძანება №03/101
2013 წლის 28 ივნისი
ქ. თბილისი
საქართველოს კულტურის, ძეგლთა დაცვისა და სპორტის მინისტრის 2007 წლის 1 ოქტომბრის № 3/181 ბრძანების დანართი № 1-ში და დანართი № 2-ში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის თანახმად,
ვბრძანებ:
1. ქ. თბილისში არსებული კულტურული მემკვიდრეობის თვალსაზრისით ღირებული ნაგებობებისათვის კულტურული მემკვიდრეობის უძრავი ძეგლის სტატუსის მინიჭების თაობაზე საქართველოს კულტურის, ძეგლთა დაცვისა და სპორტის მინისტრის 2007 წლის 1 ოქტომბრის № 3/181 ბრძანების დანართ № 1-ში და დანართ № 2-ში შეტანილ იქნეს შემდეგი სახის ცვლილება:
ა) დანართ № 1-ში შეტანილი რიგითი ნომერი 376 – გელათის ქუჩა 13, ჩამოყალიბდეს შემდეგი რედაქციით – „იორის ქუჩა 30 / გელათის ქუჩა 13”, შესაბამისად, ამავე ბრძანების დანართ № 2-ში, კულტურული მემკვიდრეობის ობიექტის/ ძეგლის სააღრიცხვო ბარათში შეტანილ იქნეს შემდეგი სახის ცვლილება: „გელათის ქუჩა 13” შეიცვალოს შემდეგი რედაქციით – „იორის ქუჩა 30 / გელათის ქუჩა 13” და ჩამოყალიბდეს ამ ბრძანების დანართის შესაბამისად.
2. დაევალოს კულტურული მემკვიდრეობის სტრატეგიის, ორგანიზაციების კოორდინაციისა და ნებართვების დეპარტამენტსб ამ ბრძანების ამოქმედებიდან 1 თვის ვადაში, ბრძანების პირველ პუნქტში მითითებული ობიექტის მონაცემების სამინისტროს ინტერნეტგვერდზე ასახვა.
3. ბრძანება ამოქმედდეს გამოქვეყნებისთანავე.
ბრძანება შეიძლება გასაჩივრდეს გამოქვეყნებიდან ერთი თვის ვადაში საქართველოს მთავრობაში (მისამართი: ქ. თბილისი, პავლე ინგოროყვას ქუჩა №
7).
მინისტრი მირიანე ოდიშარია
დანართი
|
376
|
იორის ქ. 30/ გელათის ქუჩა 13.
|
| კულტურული მემკვიდრეობის უძრავი ობიექტის/ძეგლის სააღრიცხვო ბარათი № 010404222 |
| |
| 1. სახელწოდება – გრიგორიანული ეკლესია 2. ადგილმდებარეობა / მისამართი – საქართველო, ქ. თბილისი, იორის ქუჩა 30 / გელათის ქუჩა 13 3. სახეობა – არქიტექტურის 4. თარიღი – მე-19 საუკუნის დასასრული |