,,ხაშურის მუნიციპალიტეტის საკრებულოს დებულების (რეგლამენტის) დამტკიცების შესახებ“ ხაშურის მუნიციპალიტეტის საკრებულოს 2010 წლის 28 ივლისის №9 დადგენილებას (სსმ, 58, 02/12/2010; 330010040.35.143.016019) დაემატოს შემდეგი შინაარსის 11 პუნქტი:
,,11. აიკრძალოს ქ. ხაშურის ცენტრალურ ნაწილში: რუსთაველის, დავით აღმაშენებლის, ბორჯომის (ვაჩნაძის ქუჩიდან ფანტანის მოედნამდე), იმერეთის (ფანტანის მოედნიდან ბათუმის ქუჩამდე), ტაბიძის, სააკაძის, კოსტავას, თამარ მეფის, ფალიაშვილის ქუჩებზე და მათთან შემაერთებელ ქუჩების გადაკვეთამდე 20 (ოცი) მეტრის ფარგლებში, ასევე ცენტრალური მოედნის, რკინიგზის სადგურის წინამდებარე მოედნის, ბორჯომის ქუჩაზე არსებული მოედნის (ფანტანი) მიმდებარე ტერიტორიებზე, ასევე, დაბა სურამში: რუსთაველის, აღმაშენებლის, გრიგოლ სურამაელის, თამარ მეფისა და მათ შემაერთებელი ქუჩების 20 (ოც)- მეტრიან ფარგლებში ავტოსამრეცხაოების, საწვავით ავტოგასამართისა და ავტოტექმომსახურების ობიექტების მშენებლობა. გამონაკლის შემთხვევებში აღნიშნული ობიექტების მშენებლობის საკითხი კონკრეტულად იქნეს განხილული ხაშურის მუნიციპალიტეტის საკრებულოში შექმნილი კომისიის მიერ ზემოთ ჩამოთვლილ ქუჩებსა და მოედნებზე. მომავალში განაშენიანების ნებართვა გაიცეს მხოლოდ ორი და მეტსართულიანი შენობა-ნაგებობისათვის“.
|