|
„საჯარო სამართლის იურიდიული პირის - საგანგებო და გადაუდებელი სიტუაციების მართვის სააგენტოს რეორგანიზაციის, ქალაქ თბილისის მერიის საჯარო სამართლის იურიდიული პირის - სასწრაფო სამედიცინო დახმარების ცენტრის შექმნის, ქალაქ თბილისის მერიის საჯარო სამართლის იურიდიული პირების - საგანგებო და გადაუდებელი სიტუაციების მართვის სააგენტოსა და სასწრაფო სამედიცინო დახმარების ცენტრის წესდებების (დებულებების) დამტკიცების შესახებ.“ ქ. თბილისის მთავრობის 2011 წლის 22 ივლისის №19.04.793 დადგენილებაში ცვლილების შეტანის თაობაზე
|
„ნორმატიული აქტების შესახებ“ საქართველოს კანონის მე-20 მუხლის შესაბამისად, ქ. თბილისის მთავრობა ადგენს:
|
| მუხლი 1 |
„საჯარო სამართლის იურიდიული პირის - საგანგებო და გადაუდებელი სიტუაციების მართვის სააგენტოს რეორგანიზაციის, ქალაქ თბილისის მერიის საჯარო სამართლის იურიდიული პირის - სასწრაფო სამედიცინო დახმარების ცენტრის შექმნის, ქალაქ თბილისის მერიის საჯარო სამართლის იურიდიული პირების - საგანგებო და გადაუდებელი სიტუაციების მართვის სააგენტოსა და სასწრაფო სამედიცინო დახმარების ცენტრის წესდებების (დებულებების) დამტკიცების შესახებ“ ქ. თბილისის მთავრობის 2011 წლის 22 ივლისის №19.04.793 დადგენილების (გამოქვეყნებულია სსიპ „საქართველოს საკანონმდებლო მაცნე“ 110725041, 26/07/2011) დანართი 1-ით დამტკიცებული ქალაქ თბილისის მერიის საჯარო სამართლის იურიდიული პირის - საგანგებო და გადაუდებელი სიტუაციების მართვის სააგენტოს წესდებაში (დებულებაში) შეტანილ იქნეს შემდეგი სახის ცვლილება:
ა) მე-6 მუხლის მე-9 პუნქტი ამოღებულ იქნეს; ბ) მე-6 მუხლის მე-10 პუნქტი ჩამოყალიბდეს შემდეგი რედაქციით: „10. ისანი-სამგორის რაიონული განყოფილება (რაზმი), მასში შემავალი ოთხი ხანძარსაწინააღმდეგო (ასეული), ერთი სამაშველო (ასეული) და ერთი შინაური და გარეული ცხოველების კონტროლისა და რეგულირების (ასეული) ნაწილით.“; გ) მე-6 მუხლის მე-12 პუნქტი ჩამოყალიბდეს შემდეგი რედაქციით: „12. ვაკე-საბურთალოს რაიონული განყოფილება (რაზმი), მასში შემავალი ორი ხანძარსაწინააღმდეგო (ასეული), ერთი სამაშველო (ასეული), ერთი კავშირგაბმულობის ნაწილით და ერთი წყალზე მაშველების ნაწილით.“; დ) მე-6 მუხლის მე-14 პუნქტი ჩამოყალიბდეს შემდეგი რედაქციით: „14. მთაწმინდა-კრწანისის რაიონული განყოფილება (რაზმი) მასში შემავალი ხუთი ხანძარსაწინააღმდეგო (ასეული) და ერთი სამაშველო (ასეული) ნაწილით.“ |
| მუხლი 2 |
მე-6 მუხლის მე-17 პუნქტს დაემატოს შემდეგი შინაარსის „ზ“ ქვეპუნქტი:
„ზ) სააგენტოს თანამშრომელთა თეორიული და პრაქტიკული მომზადება/გადამზადება და ამისათვის შესაბამისი ღონისძიებების გატარება“. |
| მუხლი 3 |
ეს დადგენილება ძალაშია 2013 წლის 1 მარტიდან.
|
|