„მცხეთის მუნიციპალიტეტის ეკონომიკის, სტატისტიკის, ქონების მართვისა და ინფრასტრუქტურის განვითარების სამსახურის დებულების დამტკიცების შესახებ” მცხეთის მუნიციპალიტეტის საკრებულოს 2011 წლის 21 იანვრის №4 დადგენილებაში ცვლილების შეტანის თაობაზე

 „ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „თ“ ქვეპუნქტის, 43-ე მუხლის მე-2 პუნქტის, აგრეთვე „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის  შესაბამისად, მცხეთის მუნიციპალიტეტის საკრებულო ადგენს:

„მცხეთის მუნიციპალიტეტის ეკონომიკის, სტატისტიკის, ქონების მართვისა და ინფრასტრუქტურის განვითარების სამსახურის დებულების დამტკიცების შესახებ” მცხეთის მუნიციპალიტეტის საკრებულოს 2011 წლის 21 იანვრის №4 დადგენილებით (სსმ,  010260020.35.153.016032, 01/02/2011) დამტკიცებულ დებულებაში შეტანილ იქნეს შემდეგი ცვლილება:

1. დებულების მე-2 მუხლის მე-4 პუნქტი ჩამოყალიბდეს შემდეგი რედაქციით:

„4.  ადგილობრივ მოსაკრებელთა განყოფილება უზრუნველყოფს:

მცხეთის მუნიციპალიტეტის ტერიტორიის დაგვა-დასუფთავებაზე, ტერიტორიაზე წარმოქმნილი საყოფაცხოვრებო ნარჩენების შეგროვებაზე, გატანაზე და ნარჩენების განთავსების საბოლოო ადგილების მოვლა-პატრონობაზე ზედამხედველობას,  ორგანიზაციებთან და ცალკეულ იურიდიულ პირებთან გასაფორმებელი  ხელშეკრულებების პროექტების მომზადებას. ახორციელებს კონტროლს  შესაბამისი თანხების ამოღებაზე. „საქართველოს ადმინისტრაციულ სამართალდარღვევათა კოდექსის” 146¹ მუხლით  გათვალისწინებულ ადმინისტრაციული  სამართლადარღვევის ნაწილში ადმინისტრაციულ სამართალდარღვევათა ოქმის შედგენას, აღრიცხვის ჟურნალის წარმოებასა და სხვა შესაბამისი ღონისძიებების გატარებას.“