საქართველოს იუსტიციის მინისტრის
ბრძანება №171
2012 წლის 2 6 სექტემბერი
ქ. თბილისი
„პირადობის ნეიტრალური მოწმობის ქართულ-აფხაზურ და ქართულ-ოსურენოვანი ბლანკების, ნეიტრალური სამგზავრო დოკუმენტის ბლანკის აღწერილობებისა და ფორმების დამტკიცების შესახებ” საქართველოს იუსტიციის მინისტრის 2011 წლის 2 აგვისტოს №114 ბრძანებაში ცვლილების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვ ბ რ ძ ა ნ ე ბ:
მუხლი 1. „პირადობის ნეიტრალური მოწმობის ქართულ-აფხაზურ და ქართულ-ოსურენოვანი ბლანკების, ნეიტრალური სამგზავრო დოკუმენტის ბლანკის აღწერილობებისა და ფორმების დამტკიცების შესახებ“ საქართველოს იუსტიციის მინისტრის 2011 წლის 2 აგვისტოს №114 ბრძანებით (სსმ, ვებგვერდი , 03.08.2011წ. , 010130000.22.027.016181) დამტკიცებულ №1 დანართში შევიდეს შემდეგი ცვლილება:
1. მე-3 მუხლის „ვ“ ქვეპუნქტი ჩამოყალიბდეს შემდეგი რედაქციით:
„ვ) მფლობელის ფოტოსურათი, რომელსაც უნდა დაესვას სააგენტოს ბეჭედი;“.
2. ამოღებულ იქნეს მე-3 მუხლის „ი“ ქვეპუნქტი.
3. მე-4 მუხლის მე–2 პუნქტი ჩამოყალიბდეს შემდეგი რედაქციით:
„2. პირადობის ნეიტრალური მოწმობის ქართულ-აფხაზურენოვანი ბლანკის მეორე გვერდს უნდა დაესვას სააგენტოს ბეჭედი.“
მუხლი 2. ბრძანებით დამტკიცებულ №2 დანართში შევიდეს შემდეგი ცვლილება:
1. მე-3 მუხლის „ვ“ ქვეპუნქტი ჩამოყალიბდეს შემდეგი რედაქციით:
„ვ) მფლობელის ფოტოსურათი, რომელსაც უნდა დაესვას სააგენტოს ბეჭედი;“.
2. ამოღებულ იქნეს მე-3 მუხლის „ი“ ქვეპუნქტი.
3. მე-4 მუხლის მე -2 პუნქტი ჩამოყალიბდეს შემდეგი რედაქციით:
„2. პირადობის ნეიტრალური მოწმობის ქართულ-ოსურენოვანი ბლანკის მეორე გვერდს უნდა დაესვას სააგენტოს ბეჭედი.“.
მუხლი 3. ეს ბრძანება ამოქმედდეს გამოქვეყნებისთანავე.
ზ. ადეიშვილი