საქართველოს პრეზიდენტის
ბრძანებულება №788
2012 წლის 6 სექტემბერი
ქ. თბილისი
„საქართველოს სამსახურებრივი სარგებლობის პასპორტის დებულების დამტკიცების შესახებ” საქართველოს პრეზიდენტის 2005 წლის 17 ნოემბრის №941 ბრძანებულებაში ცვლილების შეტანის თაობაზე
1. „ნორმატიული აქტების შესახებ” საქართველოს კანონის მე-20 მუხლის შესაბამისად, „საქართველოს სამსახურებრივი სარგებლობის პასპორტის დებულების დამტკიცების შესახებ” საქართველოს პრეზიდენტის 2005 წლის 17 ნოემბრის №941 ბრძანებულებაში (სსმ III, 2005 წ., №135, მუხ. 1486) შეტანილ იქნეს დამატება და ცვლილება და ბრძანებულებით დამტკიცებული დებულების:
ა) №1 დანართს დაემატოს „ძ2“ ქვეპუნქტი შემდეგი რედაქციით:
,,ძ2) დიასპორის საკითხებში საქართველოს სახელმწიფო მინისტრის პირველ მოადგილეს;“;
ბ) №2 დანართის „ე“ ქვეპუნქტი ჩამოყალიბდეს შემდეგი რედაქციით:
„ე) მინისტრის მოადგილესა და სახელმწიფო მინისტრის მოადგილეს ( № 1 დანართის „ღ“, „ჩ“, „ძ“, „ძ1“ და „ძ2“ ქვეპუნქტების დებულებათა გათვალისწინებით);“.
2. ეს ბრძანებულება ამოქმედდეს გამოქვეყნებისთანავე.
მ. სააკაშვილი