საქართველოს პრეზიდენტის
ბრძანებულება №758
2012 წლის 27 აგვისტო
ქ. თბილისი
„საქართველოს ადმინისტრაციულ-ტერიტორიულ ერთეულებში სახელმწიფო რწმუნებულის – გუბერნატორის ადმინისტრაციის საშტატო განრიგისა და მოსამსახურეთა თანამდებობრივი სარგოების დამტკიცების შესახებ“ საქართველოს პრეზიდენტის 2007 წლის 27 ივლისის №454 ბრძანებულებაში ცვლილების შეტანის თაობაზე
1. „ნორმატიული აქტების შესახებ“ საქართველოს კანონის მე-20 მუხლის შესაბამისად, „საქართველოს ადმინისტრაციულ-ტერიტორიულ ერთეულებში სახელმწიფო რწმუნებულის – გუბერნატორის ადმინისტრაციის საშტატო განრიგისა და მოსამსახურეთა თანამდებობრივი სარგოების დამტკიცების შესახებ“ საქართველოს პრეზიდენტის 2007 წლის 27 ივლისის №454 ბრძანებულებაში (სსმ III, 2007 წ., №107, მუხ. 1194) შეტანილ იქნეს დამატება და ბრძანებულების პირველი პუნქტის „ა“ ქვეპუნქტით დამტკიცებულ №1 დანართს დაემატოს შემდეგი შინაარსის შენიშვნა:
„შენიშვნა:
სახელმწიფო რწმუნებულის – გუბერნატორის, რომლის სამოქმედო ტერიტორია მოიცავს ბოლნისის , გარდაბნის , დმანისის, თეთრიწყაროს, მარნეულის, წალკის მუნიციპალიტეტებისა და ქალაქ რუსთავი ს ადმინისტრაციულ-ტერიტორიულ საზღვრებს, ადმინისტრაციის საშტატო განრიგში სახელმწიფო ზედამხედველობის სამსახურის სპეციალისტის ნაცვლად განისაზღვროს სახელმწიფო რწმუნებულის – გუბერნატორის მოადგილის დამატებით ერთი საშტატო ერთეული.“.
2. ეს ბრძანებულება ამოქმედდეს გამოქვეყნებისთანავე.
მ. სააკაშვილი