(ძალადაკარგულია - 19.11.2019, №546)
საქართველოს პრეზიდენტის
ბრძანებულება №441
2012 წლის 31 მაისი
ქ. თბილისი
საჯარო სამართლის იურიდიული პირის – ათასწლეულის გამოწვევის ფონდის – „საქართველოს“ (MCA – Georgia) შექმნის შესახებ
1. „საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად, საქართველოში ათასწლეულის გამოწვევის კორპორაციის (MCC) მეორე კომპაქტთან დაკავშირებული პროცედურების წარმოების მიზნით შეიქმნას საჯარო სამართლის იურიდიული პირი – ათასწლეულის გამოწვევის ფონდი – „საქართველო“ (MCA – Georgia).
2. საქართველოს მთავრობამ უზრუნველყოს საჯარო სამართლის იურიდიული პირის – ათასწლეულის გამოწვევის ფონდის – „საქართველოს“ (MCA – Georgia) სამეთვალყურეო საბჭოს შექმნა, საბჭოს ხმის უფლების მქონე პირთა შემადგენლობის განსაზღვრა და დებულების დამტკიცება.
3. საჯარო სამართლის იურიდიული პირის – ათასწლეულის გამოწვევის ფონდის – „საქართველოს“ (MCA – Georgia) სახელმწიფო კონტროლი განახორციელოს საქართველოს ფინანსთა სამინისტრომ.
4. საქართველოს ეკონომიკისა და მდგრადი განვითარების სამინისტრომ უზრუნველყოს საჯარო სამართლის იურიდიული პირის – ათასწლეულის გამოწვევის ფონდის – „საქართველოსათვის“ (MCA – Georgia) შესაბამისი ქონების გადაცემა კანონმდებლობით დადგენილი წესით.
5. ეს ბრძანებულება ამოქმედდეს გამოქვეყნებისთანავე.
მ. სააკაშვილი