უცხოეთში მცხოვრები თანამემამულის მოწმობის ფორმის დამტკიცების შესახებ

საქართველოს იუსტიციის მინისტრის

ბრძანება №74

2012 წლის 17 მაისი

ქ. თბილისი

უცხოეთში მცხოვრები თანამემამულის მოწმობის ფორმის დამტკიცების შესახებ

„უცხოეთში მცხოვრები თანამემამულეებისა და დიასპორული ორგანიზაციების შესახებ“ საქართველოს კანონის მე-8 მუხლის მე-3 პუნქტის შესაბამისად, ვბრძანებ:

მუხლი 1. დამტკიცდეს თანდართული უცხოეთში მცხოვრები თანამემამულის მოწმობის ფორმა.

მუხლი 2. საჯარო სამართლის იურიდიულმა პირმა – სახელმწიფო სერვისების განვითარების სააგენტომ უზრუნველყოს უცხოეთში მცხოვრები თანამემამულის მოწმობის დასამზადებლად საჭირო ორგანიზაციული ღონისძიებების გატარება.

საქართველოს იუსტიციის მინისტრის 2012 წლის 23 ივლისის ბრძანება №128 - ვებგვერდი, 23.07.2012 წ.

მუხლი 3. ეს ბრძანება ამოქმედდეს გამოქვეყნებისთანავე.

ზ. ადეიშვილი