დედოფლისწყაროს მუნიციპალიტეტის საკრებულოს
დადგენილება №17
2012 წლის 10 აპრილი
ქ. დედოფლისწყარო
„ ადგილობრივი (ქონების) გადასახადის შემოღებისა და განაკვეთების განსაზღვრის შესახებ“ დედოფლისწყაროს მუნიციპალიტეტის საკრებულოს 2012 წლის 13 მარტის № 15 დადგენილებაში ცვლილების შეტანის თაობაზე
„ნორმატიული აქტების შესახებ“ საქართველოს კანონის მე-2 0 მუხლის მე-4 პუნქტის , საქართველოს საგადასახადო კოდექსის მე -7 მუხლის პირველი ნაწილის და „სასოფლო -სამეურნეო დანიშნულებისა და ტყის მიწებზე ქონების გადასახადის წლიური საბაზისო განაკვეთების დამტკიცების თაობაზე“ საქართველოს მთავრობის 2012 წლის 28 მარტის № 119 დადგენილების შესაბამისად, დედოფლისწყაროს მუნიციპალიტეტის საკრებულო ადგენს:
1. „ ადგილობრივი (ქონების) გადასახადის შემოღებისა და განაკვეთების განსაზღვრის შესახებ“ დედოფლისწყაროს მუნიციპალიტეტის საკრებულოს 2012 წლის 13 მარტის № 15 დადგენილებით დამტკიცებული ადგილობრივი (ქონების) გადასახადის განაკვეთებში შეტანილი იქნეს შემდეგი ცვლილება:
ა) ადგილობრივი (ქონების) გადასახადის განაკვეთების მე -4 მუხლი ჩამოყალიბდეს შემდეგი რედაქციით:
„მუხლი 4. სასოფლო -სამეურნეო დანიშნულების მიწებზე ქონების გადასახადი ერთ ჰექტარზე შეადგენს:
ა) სათიბებზე –20 ლარს;
ბ) საძოვრებზე – 7 ლარს;
გ) სახნავი (კარგი და მწირი ხარისხის) და სხვა კატეგორიის სასოფლო -სამეურნეო დანიშნულების მიწებზე – 87 ლარს;
დ) ტყის მიწებისათვის, რომლებიც გამოიყენება სასოფლო -სამეურნეო დანიშნულებით :
დ ა) სათიბებისათვის (ბუნებრივი და გაკულტურებული) – 20 ლარს;
დ ბ) საძოვრებისათვის (ბუნებრივი და გაკულტურებული) –16 ლარს;
დ გ) სახნავისათვის (მათ შორის, მრავალწლიანი ნარგავებით დაკავებული მიწა, საბაღე, საბოსტნე) – 40 ლარს“.
2 . დადგენილება ამოქმედდეს გამოქვეყნებისთანავე და გავრცელდეს 2012 წლის 30 მარტიდან წარმოშობილ სამართლებრივ ურთიერთობებზე .
დედოფლისწყაროს მუნიციპალიტეტის საკრებულოს 2012 წლის 23 ოქტომბრის დადგენილება № 29 - ვებგვერდი, 26.10.2012 წ.
3. დადგენილება შეიძლება გასაჩივრდეს დედოფლისწყაროს რაიონულ სასამართლოში (ქ. დედოფლისწყარო, ჰამლეტ გონაშვილის ქ. №2), უშუალოდ ზიანის მიყენებიდან სამი თვის ვადაში.
საკრებულოს თავმჯდომარის მოადგილე ზ . ფიროსმანაშვილი
შეტანილი ცვლილებები:
1. დედოფლისწყაროს მუნიციპალიტეტის საკრებულოს 2012 წლის 23 ოქტომბრის დადგენილება № 29 - ვებგვერდი, 26.10.2012 წ.