გურჯაანის მუნიციპალიტეტის საკრებულოს 2008 წლის 25 იანვრის №2 დადგენილებაში „გურჯაანის მუნიციპალიტეტის გამგეობის საჯარო მოსამსახურეთა თანამდებობრივი სარგოების დამტკიცების შესახებ’’ ცვლილებების შეტანის თაობაზე

გურჯაანის მუნიციპალიტეტის საკრებულოს 2008 წლის 25 იანვრის №2 დადგენილებაში „გურჯაანის მუნიციპალიტეტის გამგეობის საჯარო მოსამსახურეთა თანამდებობრივი სარგოების დამტკიცების შესახებ’’ ცვლილებების შეტანის თაობაზე

 გურჯაანის მუნიციპალიტეტის საკრებულოს

 დადგენილება №14

2012 წლის 20 თებერვალი     

 ქ. გურჯაანი

გურჯაანის მუნიციპალიტეტის საკრებულოს 2008 წლის 25 იანვრის №2 დადგენილებაში „გურჯაანის მუნიციპალიტეტის გამგეობის საჯარო მოსამსახურეთა თანამდებობრივი სარგოების დამტკიცების შესახებ’’ ცვლილებების შეტანის თაობაზე

„ნორმატიული აქტების შესახებ’’ საქართველოს კანონის მე-20 მუხლის, „ადგილობრივი თვითმმართველობის შესახებ’’ საქართველოს ორგანული კანონის 22-ე მუხლის 1-ლი პუნქტის „ი’’ ქვეპუნქტის, ,,ავტონომიური რესპუბლიკების ხელისუფლებისა და ადგილობრივი თვითმმართველობის ორგანოების საჯარო მოსამსახურეთა შრომის ანაზღაურების მოწესრიგების თაობაზე’’ საქართველოს პრეზიდენტის 2005 წლის 29 აგვისტოს №726 ბრძანებულების შესაბამისად,

მუნიციპალიტეტის საკრებულო ადგენს:

მუხლი 1. შეტანილ იქნეს გურჯაანის მუნიციპალიტეტის საკრებულოს 2008 წლის 25 იანვრის №2 დადგენილებაში „გურჯაანის მუნიციპალიტეტის გამგეობის საჯარო მოსამსახურეთა თანამდებობრივი სარგოების დამტკიცების შესახებ’’ შემდეგი ცვლილებები:

1. დადგენილების სათაური ჩამოყალიბდეს შემდეგი რედაქციით:

„გურჯაანის მუნიციპალიტეტის გამგეობისა და თვითმმართველი ერთეულის ტერიტორიული ორგანოების საჯარო მოსამსახურეთა თანამდებობრივი სარგოების დამტკიცების შესახებ’’;

2. დადგენილების 1-ლი პუნქტი ჩამოყალიბდეს შემდეგი რედაქციით:

„1. დამტკიცდეს გურჯაანის მუნიციპალიტეტის გამგეობისა და თვითმმართველი ერთეულის ტერიტორიული ორგანოების საჯარო მოსამსახურეთა თანამდებობრივი სარგოები დანართის შესაბამისად (თან ერთვის);”

3. დადგენილების 1-ლი პუნქტით დამტკიცებულ დანართს დაემატოს 6¹ მუხლი და მე-6, 6¹ და მე-7 პუნქტები ჩამოყალიბდეს შემდეგი რედაქციით:

 

6	თვითმმართველი ერთეულის ტერიტორიული ორგანოს ხელმძღვანელი – თვითმმართველი ერთეულის რწმუნებული, გარდა 61 პუნქტით გათვალისწინებული თვიმმართველი ერთეულის რწმუნებულებისა	700
61	ა) თვითმმართველი ერთეულის ტერიტორიული ორგანოს ხელმძღვანელი – თვითმმართველი ერთეულის რწმუნებული სოფელ ჭერემში; ბ) თვითმმართველი ერთეულის ტერიტორიული ორგანოს ხელმძღვანელი – თვითმმართველი ერთეულის რწმუნებული სოფელ ნანიანში	600
7	თვითმმართველი ერთეულის ტერიტორიული ორგანოს სპეციალისტი	250

 

მუხლი 2. დადგენილება ძალაშია 2012 წლის 1 თებერვლიდან.

 საკრებულოს თავმჯდომარე        ზ. იაგანაშვილი