თიღვის მუნიციპალიტეტის საკრებულოს
დადგენილება №4
2012 წლის 6 თებერვალი
ქ. თბილისი
,,თიღვის მუნიციპალიტეტის სოციალური დახმარების პროგრამის დამტკიცების შესახებ” თიღვის მუნიციპალიტეტის საკრებულოს 2012 წლის 9 იანვრის №2 დადგენილებაში ცვლილების შეტანის თაობაზე
,,ნორმატიული აქტების შესახებ“ საქართველოს კანონის მე-20 მუხლის საფუძველზე , თიღვის მუნიციპალიტეტის საკრებულო ა დ გ ე ნ ს:
1. ,,თიღვის მუნიციპალიტეტის სოციალური დახმარების პროგრამის დამტკიცების შესახებ” თიღვის მუნიციპალიტეტის საკრებულოს 2012 წლის 9 იანვრის №2 დადგენილებაში (სსმ, 13.01.2012; 280120000.35.145.016019) შეტანილ იქნეს შემდეგი ცვლილება:
ა) დადგენილების ანოტაცია ჩამოყალიბდეს შემდეგი რედაქციით:
„ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-3 პუნქტის, აგრეთვე „ნორმატიული აქტების შესახებ“ საქართველოს კანონის 25-ე მუხლის პირველი პუნქტის „ბ“ ქვეპუნქტის შესაბამისად“;
ბ) დადგენილების მე-2 პუნქტი ჩამოყალიბდეს შემდეგი რედაქციით:
,,2. ეს დადგენილება ძალაში შევიდეს გამოქვეყნებისთანავე.“;
გ) დადგენილებას დაემატოს შემდეგი შინაარსის 11 პუნქტი:
,,11. ძალადაკარგულად გამოცხადდეს ,,თიღვის მუნიციპალიტეტის სოციალური დახმარების პროგრამის დამტკიცების შესახებ“ თიღვის მუნიციპალიტეტის საკრებულოს 2011 წლის 6 იანვრის №3 დადგენილება.“.
2. ეს დადგენილება ძალაში შევიდეს გამოქვეყნებისთანავე.
საკრებულოს თავმჯდომარე რ . ჭავჭავაძე