საქართველოს მთავრობის
დადგენილება №445
2011 წლის 1 დეკემბერი
ქ. თბილისი
„არაიოდიზებული მარილის იმპორტის ნებართვის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 14 ოქტომბრის №185 დადგენილებაში ცვლილების შეტანის შესახებ
მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, „არაიოდიზებული მარილის იმპორტის ნებართვის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 14 ოქტომბრის №185 დადგენილებაში (სსმ, 2005 წელი, მუხლი 1339) შეტანილ იქნეს შემდეგი ცვლილება:
1. დადგენილებით დამტკიცებული „არაიოდიზებული მარილის იმპორტის ნებართვის გაცემის წესისა და პირობების შესახებ დებულების“ (დანართი №1) მე-4 მუხლის:
ა) პირველი პუნქტი ჩამოყალიბდეს შემდეგი რედაქციით:
„1. ნებართვას აქვს ინდივიდუალური ნომერი (ნუმერაცია სააგენტოს მიერ გასაცემ ფორმებზე იწყება ციფრით „1“, ხოლო შემოსავლების სამსახურის მიერ გასაცემ ფორმებზე – ციფრით „2“). ნებართვა შესაძლებელია გაიცეს როგორც წერილობითი, ისე ელექტრონული ფორმით, რომლებსაც აქვთ თანაბარი იურიდიული ძალა.“;
ბ) მე-4 პუნქტი ამოღებულ იქნეს.
2. დადგენილების 11 პუნქტით დამტკიცებული დანართი №2 ჩამოყალიბდეს თანდართული რედაქციით.
მუხლი 2. დადგენილება ამოქმედდეს გამოქვეყნებისთანავე.
პრემიერ‑მინისტრი ნ. გილაური
დანართი №2
არაიოდიზებული მარილის იმპორტის
ნებართვა №000000
„____“ ________ 201 ___ წ.
განმცხადებელი (იმპორტიორი) -------------------------------------------------------------------
პირის საიდენტიფიკაციო ნომერი-----------------------------------------------------------------
იურიდიული/ფაქტობრივი მისამართი ----------------------------------------------------------
მწარმოებელი ქვეყანა -------------------------------------------------------------------------------
მწარმოებელი კომპანია ----------------------------------------------------------------------------
ექსპორტიორი ---------------------------------------------------------------------------------------
მარილის დანიშნულება ---------------------------------------------------------------------------
ხელშეკრულების № და თარიღი -----------------------------------------------------------------
წონა (კგ) ---------------------------------------------------------------------------------------------
გამცემი ორგანოს დასახელება ------------------------------------------------------------
უფლებამოსილი პირი ------------------------------- ---------------------------------
(სახელი, გვარი)
(ხელმოწერა)
ბ.ა.“.