საქართველოს ენერგეტიკისა და ბუნებრივი რესურსების სამინისტროს სსიპ – ბუნებრივი რესურსების სააგენტოს უფროსის
ბრძანება №3
2011 წლის 31 ოქტომბერი
ქ. თბილისი
„რეგულირების საფასურის გადახდის წესისა და ოდენობების დამტკიცების შესახებ“ საქართველოს ენერგეტიკისა და ბუნებრივი რესურსების სამინისტროს სსიპ – ბუნებრივი რესურსების სააგენტოს უფროსის 2011 წლის 12 აგვისტოს №1 ბრძანებაში ცვლილების შეტანის შესახებ
„ნორმატიული აქტების შესახებ” საქართველოს კანონის მე-20 მუხლის მე-4 პუნქტის, „რეგულირების საფასურის შესახებ“ საქართველოს კანონის მე-3 მუხლის მე-2 პუნქტის შესაბამისად, ვბრძანებ:
1. „რეგულირების საფასურის გადახდის წესისა და ოდენობების დამტკიცების შესახებ“ საქართველოს ენერგეტიკისა და ბუნებრივი რესურსების სამინისტროს სსიპ – ბუნებრივი რესურსების სააგენტოს უფროსის 2011 წლის 12 აგვისტოს №1 ბრძანებით (სსმ, ვებგვერდი, 110817013, 23/08/2011) დამტკიცებულ დებულებაში შეტანილ იქნეს ცვლილება და №1 დანართს დაემატოს შემდეგი შინაარსის შენიშვნა:
,,შენიშვნა: ამ დანართით გათვალისწინებული ბუნებრივი რესურსებით სარგებლობისთვის რეგულირების საფასურის გადახდას ექვემდებარება მიწისქვეშა წყლის მხოლოდ ის ოდენობა, რომელიც უშუალოდ:
ა) ჩამოისხმება;
ბ) წარმოადგენს პროდუქციის ძირითად ნედლეულს (შემადგენელ ნაწილს).”.
2. ეს ბრძანება ამოქმედდეს გამოქვეყნებისთანავე.
ა. ხეთაგური