„აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს დებულების დამტკიცების შესახებ" აჭარის ავტონომიური რესპუბლიკის მთავრობის 2007 წლის 3 აპრილის №39 დადგენილებაში ცვლილებებისა და დამატების შეტანის თაობაზე

აჭარის ავტონომიური რესპუბლიკის მთავრობის

დადგენილება №42

2011 წლის 13 სექტემბერი

ქ. ბათუმი

„აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს დებულების დამტკიცების შესახებ“ აჭარის ავტონომიური რესპუბლიკის მთავრობის 2007 წლის 3 აპრილის №39 დადგენილებაში ცვლილებებისა და დამატების შეტანის თაობაზე

„აჭარის ავტონომიური რესპუბლიკის ნორმატიული აქტების შესახებ“ აჭარის ავტონომიური რესპუბლიკის კანონის 26-ე მუხლის შესაბამისად:

1. „აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს დებულების დამტკიცების შესახებ” აჭარის ავტონომიური რესპუბლიკის მთავრობის 2007 წლის 3 აპრილის №39 დადგენილებით დამტკიცებულ აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს დებულებაში (გაზეთი „აჭარა“ 2007 წლის 6 აპრილი №54 (22.798) გვ. 11-13) შეტანილ იქნეს შემდეგი ცვლილებები და დამატება:

ა) დებულების მე-5 მუხლის პირველი პუნქტის ,,ბ“ ქვეპუნქტი ჩამოყალიბდეს შემდეგი რედაქციით:

„ბ) სამინისტროს კონტროლს დაქვემდებარებული საჯარო სამართლის იურიდიული პირები”.

ბ) დებულების მე-5 მუხლის მე-2 პუნქტი ჩამოყალიბდეს შემდეგი რედაქციით:

„2. სამინისტროს ცენტრალური აპარატის სტრუქტურული ქვედანაყოფებია:

ა) ადმინისტრაციული დეპარტამენტი;

ბ) ჯანმრთელობის დაცვის დეპარტამენტი;

გ) სოციალური დაცვის დეპარტამენტი;

დ) დევნილთა და განსახლების დეპარტამენტი;

ე) იურიდიული დეპარტამენტი;

ვ) ბუღალტრული აღრიცხვისა და ანგარიშგების დეპარტამენტი;

ზ) ბიუჯეტის დაგეგმისა და სახელმწიფო შესყიდვების დეპარტამენტი;

თ) შიდა აუდიტის დეპარტამენტი.“

გ) დებულების მე-5 მუხლის მე-3 პუნქტი ჩამოყალიბდეს შემდეგი რედაქციით:

„3. სამინისტროს კონტროლს დაქვემდებარებული საჯარო სამართლის იურიდიული პირებია:

ა) აჭარის ავტონომიური რესპუბლიკის საზოგადოებრივი ჯანდაცვის ცენტრი;

ბ) აჭარის ავტონომიური რესპუბლიკის დასაქმების სააგენტო.“.

დ) დებულების მე-5 მუხლის მე-4 პუნქტი ჩამოყალიბდეს შემდეგი რედაქციით:

„4. სამინისტროს კონტროლს დაქვემდებარებული საჯარო სამართლის იურიდიული პირების მმართველობის სფერო, უფლება-მოვალეობანი და საქმიანობის ძირითადი მიმართულებები განისაზღვრება დებულებით, რომელსაც მინისტრის წარდგინებით ამტკიცებს აჭარის ავტონომიური რესპუბლიკის მთავრობა.“.

ე) დებულების მე-8 მუხლი ჩამოყალიბდეს შემდეგი რედაქციით:

„მუხლი 8. ჯანმრთელობის დაცვის დეპარტამენტი

ჯანმრთელობის დაცვის დეპარტამენტის ძირითადი ამოცანებია:

ა) კომპეტენციის ფარგლებში მოსახლეობის ჯანმრთელობის დაცვის სფეროში სახელმწიფო პოლიტიკის შემუშავებასა და განხორციელებაში მონაწილეობის მიღება;

ბ) სამინისტროს ბიუჯეტის დაგეგმისა და სახელმწიფო შესყიდვების დეპარტამენტთან ერთად ჯანმრთელობის დაცვის მიზნობრივი პროგრამების შემუშავება;

გ) ჯანმრთელობის დაცვის მიზნობრივი პროგრამების მართვა, განხორციელების კონტროლი და შედეგების მონიტორინგი;

დ) ჯანმრთელობის დაცვის პროგრამებით გათვალისწინებული სამედიცინო მომსახურების განხორციელებასთან დაკავშირებით ვაუჩერის ფორმის, მისი გაცემისა და გამოყენების წესის პროექტის მომზადება;

ე) სამინისტროს სისტემაში შემავალი დაწესებულებებიდან წარმოდგენილი პროგრამების განხილვა და ანალიზი;

ვ) კომპეტენციის ფარგლებში ჯანმრთელობის დაცვის სახელმწიფო სტანდარტების პროექტების შემუშავებაში მონაწილეობის მიღება და შიდა სტანდარტების შემუშავებაში სამედიცინო დაწესებულებებისათვის მეთოდური დახმარება;

ზ) მოსახლეობის ჯანმრთელობის დაცვის პრიორიტეტულ მიმართულებათა განსაზღვრა და მათი განხორციელებისათვის შესაბამისი ღონისძიებების გატარება;

თ) აჭარის ავტონომიური რესპუბლიკის ტერიტორიაზე ჯანმრთელობის დაცვის სახელმწიფო პროგრამების განხორციელებაში ხელშეწყობა;

ი) ჯანმრთელობის დაცვის სფეროში მიმდინარე რეფორმების პროცესში მონაწილეობის მიღება;

კ) სამედიცინო სტატისტიკური ინფორმაციის საფუძველზე მოსახლეობის ჯანმრთელობის დაცვის პროგრამების პერიოდული კორექტირება და ხელმძღვანელობისათვის შესაბამისი წინადადებიბის წარდგენა.“.

ლ) მოსახლეობის ჯანმრთელობის დაცვის საკითხებზე მომუშავე საერთაშორისო ორგანიზაციებთან თანამშრომლობა, შესაბამისი პროექტების მომზადებასა და განხორციელებაში ხელშეწყობა;

ვ) დებულებას დაემატოს შემდეგი შინაარსის მე-8¹ მუხლი:

„მუხლი 8¹. სოციალური დაცვის დეპარტამენტი

სოციალური დაცვის დეპარტამენტის ძირითადი ამოცანებია:

ა) სამინისტროს ბიუჯეტის დაგეგმისა და სახელმწიფო შესყიდვების დეპარტამენტთან ერთად სოციალური დაცვის მიზნობრივი პროგრამების შემუშავება;

ბ) სოციალური დაცვის მიზნობრივი პროგრამების მართვა, განხორციელების კონტროლი და შედეგების მონიტორინგი;

გ) სოციალურ სფეროში სახელმწიფო პოლიტიკის განხორციელების სტრატეგიული გეგმისა და მექანიზმების შემუშავებაში მონაწილეობის მიღება;

დ) სოციალური დაცვის სფეროში მარეგულირებელი სამართლებრივი აქტების პროექტების შემუშავებაში მონაწილეობის მიღება;

ე) აჭარის ავტონომიური რესპუბლიკის ტერიტორიაზე სოციალური დაცვის სახელმწიფო პროგრამების განხორციელებაში ხელშეწყობა;

ვ) მოსახლეობის სოციალური დაცვის საკითხებზე მომუშავე საერთაშორისო ორგანიზაციებთან თანამშრომლობა, შესაბამისი პროექტების მომზადებასა და განხორციელებაში ხელშეწყობა;

ზ) კომპეტენციის ფარგლებში ჯანმრთელობის უფლების დარღვევასთან დაკავშირებული საჩივრების მიღება, გამოკვლევა, დამუშავება და შესაბამისი რეაგირება;

თ) სამედიცინო დაწესებულებებში კონფლიქტების არსებობის შემთხვევაში მედიატორის ფუნქციის განხორციელება;

ი) პაციენტებისა და სამედიცინო პერსონალის უფლებათა დაცვის ხელშეწყობა და შესაბამისი რეკომენდაციების გაწევა;

კ) პაციენტსა და სახელმწიფო სადაზღვევო პროგრამის ფარგლებში მზღვეველსა და სამედიცინო პროვაიდერს შორის კომუნიკაციის ხელშეწყობა, მედიატორის ფუნქციის განხორციელებისათვის საჭირო ღონისძიებების გატარება.“.

ზ) დებულების მე-11 მუხლი ამოღებულ იქნეს.

თ) დებულების მე-12 მუხლის „ვ” ქვეპუნქტი ჩამოყალიბდეს შემდეგი რედაქციით:

„ვ) მოქმედი კანონმდებლობის შესაბამისად სახელმწიფო შესყიდვების სააგენტოსათვის სამინისტროს მიერ განხორციელებულ სახელმწიფო შესყიდვების წარსადგენი ანგარიშების მომზადებაში მონაწილეობის მიღება”;

ი) დებულების მე-13 მუხლი ჩამოყალიბდეს შემდეგი რედაქციით:

„მუხლი 13.ბიუჯეტის დაგეგმვისა და სახელმწიფო შესყიდვების დეპარტამენტის (შემდგომში –დეპარტამენტი) ძირითადი ფუნქციები და ამოცანებია:

ა) სამინისტროს საფინანსო-საბიუჯეტო ურთიერთობის წარმართვა;

ბ) სამინისტროს ერთიანი ბიუჯეტის პროექტის შემუშავება;

გ) სახელმწიფო შესყიდვების შესახებ საქართველოს კანონმდებლობით გათვალისწინებული სახელმწიფო შესყიდვების განხორციელების უზრუნველყოფა;

დ) სახელმწიფო შესყიდვების შესახებ ხელშეკრულებების პროექტების მომზადება;

ე) მოქმედი კანონმდებლობის შესაბამისად, სამინისტროს მიერ განხორციელებული სახელმწიფო შესყიდვების ანგარიშების მომზადება და წარდგენის უზრუნველყოფა სახელმწიფო შესყიდვების სააგენტოსთან;

ვ) სამინისტროს სტრუქტურულ ქვედანაყოფებთან ერთად მიზნობრივი პროგრამების შემუშავება.“.

2. დადგენილება ამოქმედდეს გამოქვეყნებიდან ერთი თვის შემდეგ.

3. დადგენილების 1-ლი პუნქტის ,,გ” ქვეპუნქტი ამოქმედდეს ,,აჭარის ავტონომიური რესპუბლიკის 2011 წლის რესპუბლიკური ბიუჯეტის შესახებ” აჭარის ავტონომიური რესპუბლიკის კანონში შესაბამისი ცვლილებების შეტანის თაობაზე” აჭარის ავტონომიური რესპუბლიკის კანონის ამოქმედებისთანავე.

მთავრობის თავმჯდომარე ლ. ვარშალომიძე