საქართველოს მთავრობის
დადგენილება №345
2011 წლის 14 სექტემბერი
ქ. თბილისი
„შპს „საქართველოს გაერთიანებული წყალმომარაგების კომპანიის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2010 წლის 19 მარტის №80 დადგენილებაში ცვლილების შეტანის თაობაზე
მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „შპს „საქართველოს გაერთიანებული წყალმომარაგების კომპანიის“ სახსრებით საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2010 წლის 19 მარტის №80 დადგენილებით (სსმ, 2010 წელი, მუხლი 458) დამტკიცებულ წესში შეტანილ იქნეს შემდეგი ცვლილება:
1. მე-6 მუხლის მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით:
„ა) შესასყიდი საქონლის ან მომსახურების სავარაუდო ღირებულება არ აღემატება 500 000 ლარს;“.
2. მე-16 მუხლის 11 პუნქტი ჩამოყალიბდეს შემდეგი რედაქციით:
„11. შესყიდვის შესახებ ხელშეკრულება შესაძლებელია დაიდოს ზეპირი ფორმით, ერთ პირთან მოლაპარაკების საშუალებით:
ა) დირექტორის მიერ უფლებამოსილი პირ(ებ)ის მიერ, თუ ერთეული შესყიდვის ობიექტის სავარაუდო ღირებულება არ აღემატება 5 000 ლარს;
ბ) ფიქსირებული სატელეფონო ქსელის მომსახურების შესყიდვის დროს;
გ) ინტერნეტით გამოწერის გზით განხორციელებული შესყიდვის დროს, თუ შესყიდვის ობიექტის ღირებულება არ აღემატება 5 000 ლარს;
დ) წარმომადგენლობით ხარჯებთან დაკავშირებული შესყიდვის დროს.“.
3. მე-16 მუხლის მე-3 პუნქტი ჩამოყალიბდეს შემდეგი რედაქციით:
„3. ხელშეკრულების შესრულების გარანტირების მექანიზმის გამოყენება სავალდებულოა, თუ:
ა) ხელშეკრულებით გათვალისწინებულია წინასწარი ანგარიშსწორება (ავანსი); და
ბ) შესყიდვის საერთო ღირებულება აღემატება 200 000 ლარს.“.
მუხლი 2. დადგენილება ამოქმედდეს გამოქვეყნებისთანავე.
პრემიერ‑მინისტრი ნ. გილაური