საქართველოს კანონი
„საქართველოს პარლამენტის წევრის სტატუსის შესახებ“ საქართველოს კანონში დამატების შეტანის თაობაზე
საქართველოს პარლამენტი ადგენს:
I. „საქართველოს პარლამენტის წევრის სტატუსის შესახებ“ საქართველოს კანონის (პარლამენტის უწყებანი, №13-14, 8.04.1998) 26-ე მუხლს დაემატოს შემდეგი შინაარსის მე-3 პუნქტი:
„3. პარლამენტის წევრის გარდაცვალების შემთხვევაში მის არასრულწლოვან შვილებს (შვილს) 18 წლის ასაკის მიღწევამდე ენიშნებათ პენსია დანიშვნის მომენტისათვის პარლამენტის წევრის ხელფასის სრული ოდენობით, თითოეულს თანაბარი პროპორციით“.
II. ამ კანონის მოქმედება გავრცელდეს 1998 წლის 1 ივლისიდან წარმოშობილ ურთიერთობებზე, ხოლო პენსიების გაცემა დაიწყოს 1999 წლის 1 იანვრიდან.
III. ეს კანონი ამოქმედდეს გამოქვეყნებისთანავე.
საქართველოს პრეზიდენტი
ედუარდ შევარდნაძე
თბილისი,
1998 წლის 9 დეკემბერი.
№1718-Iს