თეთრიწყაროს მუნიციპალიტეტის საკრებულოს
დ ა დ გ ე ნ ი ლ ე ბ ა №11/4
2011 წლის 9 სექტემბერი
ქ. თეთრიწყარო
თეთრიწყაროს მუნიციპალიტეტის საკრებულოს 2010 წლის 29 ოქტომბრის №12/3 დადგენილებაში, „თეთრიწყაროს მუნიციპალიტეტის გამგეობის ეკონომიკის, ზედამხედველობისა და ინფრასტრუქტურის განვითარების სამსახურის დებულების დამტკიცების შესახებ“, ცვლილების შეტანის თაობაზე
„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „თ“ ქვეპუნქტისა და „ნორმატიული აქტების შესახებ“ საქართველოს კანონის მე-20 მუხლის თანახმად, თეთრიწყაროს მუნიციპალიტეტის საკრებულო ა დ გ ე ნ ს:
1. შეტანილ იქნეს ცვლილება თეთრიწყაროს მუნიციპალიტეტის 2010 წლის 29 ოქტომბრის №12/3 დადგენილებით (სსმ V, №49, 11.11.2010 წ., მუხ.1431) დამტკიცებული „თეთრიწყაროს მუნიციპალიტეტის გამგეობის ეკონომიკის, ზედამხედველობისა და ინფრასტრუქტურის განვითარების სამსახურის დებულების“ (დანართი №1) მე-3 მუხლის „დ“ ქვეპუნქტში და იგი ჩამოყალიბდეს შემდეგი რედაქციით:
„დ) დასახლებათა ტერიტორიების გამოყენებისა და განაშენიანების რეგულირების წესების შემუშავებას“;
2. შეტანილ იქნეს ცვლილება თეთრიწყაროს მუნიციპალიტეტის 2010 წლის 29 ოქტომბრის №12/3 დადგენილებით (სსმ V, №49, 11.11.2010 წ., მუხ. 1431) დამტკიცებული „თეთრიწყაროს მუნიციპალიტეტის გამგეობის ეკონომიკის, ზედამხედველობისა და ინფრასტრუქტურის განვითარების სამსახურის დებულების“ (დანართი №1) მე-3 მუხლის „ჟ“ ქვეპუნქტში და იგი ჩამოყალიბდეს შემდეგი რედაქციით:
„ჟ) წინადადების შემუშავებას გარე ვაჭრობის, გარე რეკლამის, ბაზრებისა და ბაზრობების რეგულირების საკითხებზე“.
3. დადგენილება ძალაშია გამოქვეყნებისთანავე.
საკრებულოს თავმჯდომარე გ. მესტვირიშვილი