ჩოხატაურის მუნიციპალიტეტის საკრებულოს
დადგენილება № 5 1
2011 წლის 29 აგვისტო
დაბა ჩოხატაური
„ჩოხატაურის მუნიციპალიტეტის გამგეობის ტერიტორიული ორგანოების დებულების დამტკიცების შესახებ“ ჩოხატაურის მუნიციპალიტეტის საკრებულოს 2011 წლის 11 იანვრის №11 დადგენილებაში ცვლილების შეტანის თაობაზე
„ნორმატიული აქტების შესახებ“ საქართველოს კანონის შესაბამისად , საკრებულო ადგენს:
„ჩოხატაურის მუნიციპალიტეტის გამგეობის ტერიტორიული ორგანოების დებულების დამტკიცების შესახებ“ ჩოხატაურის მუნიციპალიტეტის საკრებულოს 2011 წლის 11 იანვრის №11 დადგენილებაში (სსმ, 26.01.2011) შეტანილ იქნე ს შემდეგი ცვლილება:
მუხლი 1
დადგენილებით დამტკიცებული დებულების პირველ მუხლს დაემატოს მე-5 პუნქტი და ჩამოყალიბდეს შემდეგი რედაქციით:
„5. გამგეობის ტერიტორიული ორგანოს ბეჭდის ნიმუშს და გამგეობის რწმუნებულის მიერ ბეჭდის გამოყენების წესს ამტკიცებს საკრებულო“.
მუხლი 2
დადგენილებით დამტკიცებული დებულების მე-10 მუხლის მე-2 პუნქტს დაემატოს „ი“ ქვეპუნქტი და ჩამოყალიბდეს შემდეგი რედაქციით:
„ი) საქართველოს ტერიტორიაზე ხე-ტყის მოძრაობის წესებისა და მრგვალი ხე-ტყის (მორის) პირველადი გადამუშავების ობიექტის (სახერხი საამქროს) ტექნიკური რეგლამენტის დამტკიცების შესახებ“ საქართველოს ენერგეტიკისა და ბუნებრივი რესურსების მინისტრის 2011 წლის 24 ივნისის №96 ბრძანებით დადგენილი წესით, თავისი კომპეტენციის ფარგლებში, გასცემს ცნობებს“.
მუხლი 3
დადგენილება ძალაშია არსებული წესით გამოქვეყნებისთანავე.
საკრებულოს თავმჯდომარე ა . ხუნდაძე