აფხაზეთის მთავრობის
დადგენილება №9
2011 წლის 31 აგვისტო
ქ. თბილისი
„რეგიონული მართვის საკითხებში აფხაზეთის მინისტრის აპარატის დებულებისა და საშტატო ნუსხის დამტკიცების შესახებ’’ აფხაზეთის მთავრობის 2008 წლის 29 აპრილის №5 დადგენილებაში ცვლილებების შეტანის თაობაზე
მუხლი 1. „ნორმატიული აქტების შესახებ“ საქართველოს კანონის მე-20 მუხლისა და „ნორმატიული აქტების შესახებ“ აფხაზეთის კანონის მე-18 მუხლის შესაბამისად, „რეგიონული მართვის საკითხებში აფხაზეთის მინისტრის აპარატის დებულებისა და საშტატო ნუსხის დამტკიცების შესახებ’’ აფხაზეთის მთავრობის 2008 წლის 29 აპრილის №5 დადგენილებაში (აფხაზეთის ავტონომიური რესპუბლიკის საკანონმდებლო მაცნე №6, 01.05.2008 წ., მუხლი 9) შეტანილ იქნეს შემდეგი ცვლილებები:
1. დადგენილების სათაური ჩამოყალიბდეს შემდეგი რედაქციით:
„ რეგიონული მართვის საკითხებში აფხაზეთის მინისტრის აპარატის დებულების დამტკიცების შესახებ’’.
2. დადგენილების პირველი პუნქტი ჩამოყალიბდეს შემდეგი რედაქციით:
„ 1. დამტკიცდეს რეგიონული მართვის საკითხებში აფხაზეთის მინისტრის აპარატის თანდართული დებულება.’’.
3. დადგენილების მე-2 პუნქტი ჩამოყალიბდეს შემდეგი რედაქციით:
„ 2. რეგიონული მართვის საკითხებში აფხაზეთის მინისტრმა აფხაზეთის მთავრობასთან შეთანხმებით განსაზღვროს რეგიონული მართვის საკითხებში აფხაზეთის მინისტრის აპარატის საშტატო ნუსხა და თანამდებობრივი სარგოები.“.
4. დებულების მე-4 მუხლის მე-3 პუნქტს დაემატოს შემდეგი შინაარსის „ ვ“ ქვეპუნქტი:
„ ვ) აფხაზეთის მთავრობასთან შეთანხმებით განსაზღვრავს აფხაზეთის მინისტრის აპარატის საშტატო ნუსხასა და თანამდებობრივ სარგოებს.’’.
მუხლი 2. დადგენილება ამოქმედდეს გამოქვეყნებისთანავე.
მთავრობის თავმჯდომარის მოვალეობის შემსრულებელი გ. კვარაცხელია