საქართველოს მთავრობის
დადგენილება №251
2011 წლის 23 ივნისი
ქ. თბილისი
„უცხოელი კონტრაჰენტების მონაწილეობით ხელშეკრულებების გაფორმებასთან დაკავშირებულ ზოგიერთ ღონისძიებათა შესახებ“ საქართველოს მთავრობის 2010 წლის 11 მაისის №139 დადგენილებაში ცვლილების შეტანის თაობაზე
მუხლი 1
„ნორმატიული აქტების შესახებ“ საქართველოს კანონის მე-20 მუხლის მე‑4 პუნქტის შესაბამისად „უცხოელი კონტრაჰენტების მონაწილეობით ხელშეკრულებების გაფორმებასთან დაკავშირებულ ზოგიერთ ღონისძიებათა შესახებ“ საქართველოს მთავრობის 2010 წლის 11 მაისის №139 დადგენილებაში (სსმ, 13.05.2010 წ., მუხლი 839) შეტანილ იქნეს ცვლილება და დაემატოს შემდეგი შინაარსის 11 მუხლი:
„მუხლი 11
დადგენილების პირველი მუხლის „ა“ ქვეპუნქტის მოქმედება არ ვრცელდება პირველ მუხლში მითითებული დაწესებულებებისა და საწარმოების მიერ საკუთარი ინტერესების დასაცავად იურიდიული მომსახურების მიღების მიზნით დასადები ხელშეკრულებების პროექტებზე.“.
მუხლი 2
დადგენილება ამოქმედდეს გამოქვეყნებისთანავე.
პრემიერ-მინისტრი ნ. გილაური