თვითმმართველი ქალაქის – ბათუმის საკრებულოს
დადგენილება №32
2011 წლის 21 ივნისი
ქ. ბათუმი
„მკაცრი აღრიცხვის ფორმების გამოსაყენებლად შემოღებისა და ამ ფორმების ნიმუშების დამტკიცების შესახებ“ თვითმმართველი ქალაქის – ბათუმის საკრებულოს 2009 წლის 8 აპრილის №8-1 დადგენილებაში ცვლილების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის შესაბამისად, თვითმმართველი ქალაქის–ბათუმისსაკრებულო ადგენს:
1. „მკაცრი აღრიცხვის ფორმების გამოსაყენებლად შემოღებისა და ამ ფორმების ნიმუშების დამტკიცების შესახებ“ თვითმმართველი ქალაქის – ბათუმის საკრებულოს 2009 წლის 8 აპრილის №8-1 დადგენილებაში (გაზეთი „ბათუმური ქრონიკები“ №49, 14.04. 2009წ., გვ 6-8) შევიდეს შემდეგი ცვლილება:
ა) დადგენილების 1-ლი პუნქტის „ა“ ქვეპუნქტი ჩამოყალიბდეს შემდეგი რედაქციით:
„ა) თვითმმართველი ქალაქის – ბათუმისკომპეტენციას მიკუთვნებულ სფეროებში, თვითმმართველი ქალაქ ბათუმის მერიის შესაბამისი სამსახურის მიერ ან თვითმმართველი ქალაქ ბათუმის აღმასრულებელი ორგანოს სამართლებრივი აქტით უფლებამოსილი ფიზიკური ან/და იურიდიული პირის მიერ გამოსაყენებელი ადმინისტრაციული სამართალდარღვევის ოქმისა და საჯარიმო ქვითრის, როგორც მკაცრი აღრიცხვის ფორმების ნიმუშები, თანახმად დანართი 1 და 2-ისა;“;
ბ) დადგენილების 1-ლი პუნქტის „ბ“ ქვეპუნქტი ამოღებულ იქნეს;
გ) დადგენილებით დამტკიცებული დანართი 1-ისა და დანართი 2-ის ტექსტიდან ამოღებულ იქნეს სიტყვები: „თვითმმართველ ქალაქ ბათუმის მერია“; „თვითმმართველ ქალაქ ბათუმის მერიის“; „ქალაქ ბათუმის მერია“; „ქბმ“;
დ) დადგენილებით დამტკიცებული დანართი 2-ის თავში მითითებული სიტყვები „საჯარიმო ქვითარი“ შეიცვალოს სიტყვებით „საჯარიმო ქვითარი (ადმინისტრაციული სამართალდარღვევის ოქმი)“;
ე) დადგენილებით დამტკიცებული დანართი 2-ის თავში მითითებული სიტყვები „საჯარიმო ქვითრის ყუა“ შეიცვალოს სიტყვებით „საჯარიმო ქვითრის (ადმინისტრაციული სამართალდარღვევის ოქმის) ყუა“;
ვ) დადგენილებით დამტკიცებული დანართი 3 და დანართი 4 ამოღებულ იქნეს.
2. „მკაცრი აღრიცხვის ფორმების გამოსაყენებლად შემოღებისა და ამ ფორმების ნიმუშების დამტკიცების შესახებ“ თვითმმართველი ქალაქის – ბათუმისსაკრებულოს 2009 წლის 8 აპრილის №8-1 დადგენილებით დამტკიცებული დანართი 1-ისა და და დანართი 2-ის თავში (პირველ ხაზზე – მხოლობით ბრუნვაში), შესავალში (იქ სადაც უნდა მიეთითოს ოქმის/საჯარიმო ქვითრის შემდგენლის მონაცემები - მესამე პირში) და ბოლოში (სადაც მითითებულია დამკვეთი – მხოლობით ბრუნვაში) მიეთითოს შესაბამისი სამართალსუბიექტის (დაწესებულების, სამსახურის, იურიდიული პირის) სახელწოდება, რომელიც შესაძლებელია განხორციელდეს ოქმის/საჯარიმო ქვითრის დამამზადებელ პოლიგრაფიულ საწარმოში სტამბური წესით, ისე ოქმის შემდგენლის მიერ ლურჯი ან შავი ბურთულიანი საწერი კალმით.
3. თვითმმართველი ქალაქის – ბათუმისკომპეტენციას მიკუთვნებულ სფეროებში, რომელიმე კონკრეტული სამსახურის ან დაწესებულებისათვის საკრებულოს შესაბამისი ნორმატიული აქტით ოქმის ან/და საჯარიმო ქვითრის, როგორც მკაცრი აღრიცხვის დოკუმენტის ნიმუშის დამტკიცების შემთხვევაში ასეთი სამსახურის ან დაწესებულების მიერ გამოყენებაზე უპირატესობა მიენიჭოს ამ სამსახურის ან დაწესებულებისათვის დამტკიცებული ადმინისტრაციული სამართალდარღვევის ოქმისა და საჯარიმო ქვითრის ნიმუშს.
4. ეს დადგენილება ამოქმედდეს კანონმდებლობით დადგენილი წესით, გამოქვეყნებისთანავე.
საკრებულოს თავმჯდომარე გ. კირთაძე