საქართველოს იუსტიციის მინისტრის
ბრძანება №70
2011 წლის 14 ივნისი
ქ. თბილისი
„იმ კანონქვემდებარე ნორმატიული აქტების განსაზღვრის შესახებ, რომლებიც არ საჭიროებენ საქართველოს იუსტიციის სამინისტროს სამართლებრივ დასკვნას“ საქართველოს იუსტიციის მინისტრის 2011 წლის 11 მაისის №56 ბრძანებაში ცვლილების შეტანის თაობაზე
„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:
მუხლი 1. „იმ კანონქვემდებარე ნორმატიული აქტების განსაზღვრის შესახებ, რომლებიც არ საჭიროებენ საქართველოს იუსტიციის სამინისტროს სამართლებრივ დასკვნას“ საქართველოს იუსტიციის მინისტრის 2011 წლის 11 მაისის №56 ბრძანებაში (სსმ, ვებგვერდი, 13/05/2011წ.) შეტანილ იქნეს შემდეგი ცვლილება:
1. პირველი მუხლის:
ა) მე-6 პუნქტს დაემატოს შემდეგი შინაარსის „ვ“-„ი“ ქვეპუნქტები:
„ვ) „საქართველოს ელექტროენერგიის სასისტემო ან/და სისტემათაშორისი ტრანზიტისათვის განკუთვნილი ელექტროგადამცემი ხაზების სიის დამტკიცების შესახებ“;
ზ) „ელექტროსადგურების და ქსელების ტექნიკური ექსპლუატაციის წესების დამტკიცების შესახებ“;
თ) „ელექტროენერგიის (სიმძლავრის) ბაზრის წესების დამტკიცების შესახებ“;
ი) „ბუნებრივი გაზის ბაზრის წესების დამტკიცების თაობაზე“.“;
ბ) მე-12 პუნქტს დაემატოს შემდეგი შინაარსის ,,თ“ ქვეპუნქტი:
„თ) „ვეტერინარულ-სანიტარიული უსაფრთხოების წესების დამტკიცების შესახებ“.“;
გ) მე-18 პუნქტს დაემატოს შემდეგი შინაარსის ,,ტ“ ქვეპუნქტი:
„ტ) სტაჟირებისა და პრაქტიკის გავლის წესების დამტკიცება.“.
2. მეორე მუხლს დაემატოს შემდეგი შინაარსის „კ“-„მ“ ქვეპუნქტები:
„კ) საავიაციო საქმიანობის, აგრეთვე საავიაციო საშუალებების წარმოების, სარემონტო სამუშაოების ჩატარების, მშენებლობისა და ექსპლუატაციის საკითხები;
ლ) თანამშრომელთა სამსახურში მიღებასთან, კონკურსისა და ატესტაციის ჩატარებასთან დაკავშირებული საკითხები;
მ) სამსახურის გავლის, სტაჟირებისა და პრაქტიკის გავლასთან დაკავშირებული საკითხები.“.
მუხლი 2. ეს ბრძანება ამოქმედდეს გამოქვეყნებისთანავე.
ზ. ადეიშვილი