სახელმწიფო სარეგისტრაციო კოდი 200.120.000.11.117.006.514
საქართველოს ფინანსთა მინისტრის
ბრძანება №388
2004 წლის 10 ივნისი
ქ. თბილისი
აქციზური მარკის ნომინალური ღირებულების დამტკიცების შესახებ
საქართველოს საგადასახადო კოდექსის 227-ე მუხლისა და 273-ე მუხლის მე-13 პუნქტის `გ” ქვეპუნქტის, `ფასებისა და ფასწარმოქმნის შესახებ” საქართველოს კანონის, `მკაცრი აღრიცხვა-ანგარიშგების ფორმებისა და დოკუმენტების შემუშავების, დამზადების, შენახვისა და გამოყენების საქმეში სახელმწიფოებრივი წესრიგის დამყარების ღონისძიებათა შესახებ” საქართველოს პრეზიდენტის 2000 წლის 26 ივლისის №321 ბრძანებულების, `საქართველოს ფინანსთა სამინისტროს დებულების დამტკიცების შესახებ” საქართველოს მთავრობის 2004 წლის 21 მაისის №39 დადგენილების მე-3 მუხლის `ჩ” ქვეპუნქტის შესაბამისად, ვბრძანებ:
1. დადგინდეს თამბაქოს ნაწარმის შესაბამისი ნიშანდებისათვის 1 000 (ათასი) ცალი აქციზური მარკის ნომინალური ღირებულება შემდეგი ოდენობით:
ა) 1000 (ათასი) ცალი აქციზური მარკა იმპორტული თამბაქოს ნაწარმისათვის 2,36 ევრო;
ბ) 1000 (ათასი) ცალი აქციზური მარკა ადგილობრივი თამბაქოს ნაწარმისათვის 3,89 ევრო.
2. ნომინალური ღირებულების გაანგარიშება მოხდეს ანგარიშსწორების მომენტისათვის საქართველოს ეროვნული ბანკის მიერ დადგენილი კურსის შესაბამისად ლარებში.
3. ეს ბრძანება ამოქმედდეს გამოქვეყნებისთანავე.
ზ. ნოღაიდელი
შეტანილი ცვლილებები:
1.ძალადაკარგულია-საქართველოს ფინანსთა მინისტრის 2005 წლის 13 იანვრის ბრძანება №21-სსმIII,№6,20.01.2005წ, მუხ.76