სახელმწიფო სარეგისტრაციო კოდი 040.030.000.22.024.008.233
საქართველოს ეკონომიკური განვითარების მინისტრის
ბრძანება №1-1/166
2006 წლის 28 თებერვალი
ქ. თბილისი
საქართველოს ურბანიზაციისა და მშენებლობის მინისტრის 16.11.00 წლის №68 ბრძანების ,,საჯარო სამართლის იურიდიული პირის – ,,ცენტრი თბილზნიიეპის“ შესახებ“ ძალადაკარგულად გამოცხადების თაობაზე
„ ნორმატიული აქტების შესახებ“ საქართველოს კანონის 50-ე მუხლის მე-4 პუნქტისა და საქართველოს პრეზიდენტის 2001 წლის 25 ოქტომბრის №421 ბრძანებულების „ საქართველოს ურბანიზაციისა და მშენებლობის სამინისტროს დებულების შესახებ“ საქართველოს პრეზიდენტის 1997 წლის 25 ნოემბრის №687 ბრძანებულებასა და „ საქართველოს ურბანიზაციისა და მშენებლობის სამინისტროსთან არსებული საჯარო სამართლის იურიდიული პირების შექმნის შესახებ“ საქართველოს პრეზიდენტის 1999 წლის 12 დეკემბრის №668 ბრძანებულებაში ცვლილებების შეტანის თაობაზე“ საფუძველზე, ვბრძანებ:
1. საქართველოს პრეზიდენტის 25.10.01 წლის №421 ბრძანებულების მე-3 პუნქტის შესაბამისად საჯარო სამართლის იურიდიული პირი – თბილისის ზონალური სამეცნიერო-კვლევითი და საპროექტო ინსტიტუტი „ თბილზნიიეპი“ ჩაითვალოს რეორგანიზებულად იმავე სახელწოდების მქონე შეზღუდული პასუხისმგებლობის საზოგადოებად.
2. შეზღუდული პასუხისმგებლობის საზოგადოება „ თბილისის ზონალური სამეცნიერო-კვლევითი და საპროქტო ინსტიტუტი“ (იურიდიული მისამართი: სანდრო ეულის ქ. №5ა) არის სსიპ თბილისის ზონალური სამეცნიერო-კვლევითი და საპროქტო ინსტიტუტის „ თბილზნიიეპის“ უფლებამონაცვლე.
3. ძალადაკარგულად გამოცხადდეს საქართველოს ურბანიზაციისა და მშენებლობის მინისტრის 16.11.00 წლის №68 ბრძანება საჯარო სამართლის იურიდიული პირის – „ ცენტრი თბილზნიიეპის“ წესდების დამტკიცების შესახებ.
4. კონტროლი ბრძანების შესრულებაზე დაევალოს მინისტრის მოადგილე კ. დამენიას.
ი. ჩოგოვაძე