სენაკის მუნიციპალიტეტის საკრებულოს
დადგენილება №30
2011 წლის 27 მაისი
ქ. სენაკი
სენაკის მუნიციპალიტეტის საკრებულოს საჯარო მოსამსახურეთა თანამდებობრივი სარგოს განაკვეთების განსაზღვრის თაობაზე
„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „ი“ ქვეპუნქტისა და 44-ე მუხლის მეორე პუნქტის, „ ნორმატიული აქტების შესახებ“ საქართველოს კანონის 25-ე მუხლის და „ ავტონომიური რესპუბლიკების ხელისუფლებისა და ადგილობრივი თვითმმართველობის ორგანოების საჯარო მოსამსახურეთა შრომის ანაზღაურების მოწესრიგების თაობაზე“ საქართველოს პრეზიდენტის 2005 წლის 29 აგვისტოს №726 ბრძანებულების შესაბამისად
სენაკის მუნიციპალიტეტის საკრებულო ა დ გ ე ნ ს:
1. დამტკიცდეს სენაკის მუნიციპალიტეტის საკრებულოს საჯარო მოსამსახურეთა თანამდებობათა დასახელებები და თანამდებობრივი სარგოები დანართი №1-ის შესაბამისად.
2. ამ დადგენილების ძალაში შესვლის დღიდან ძალადაკარგულად გამოცხადდეს „ სენაკის მუნიციპალიტეტის საკრებულოს საჯარო მოსამსახურეთა თანამდებობათა დასახელებისა და თანამდებობრივი სარგოების დამტკიცების თაობაზე“ სენაკის მუნიციპალიტეტის საკრებულოს 2009 წლის 26 იანვრის №3 დადგენილება.
3. დადგენილება ძალაშია „ ნორმატიული აქტების შესახებ“ საქართველოს კანონით დადგენილი წესით გამოქვეყნებისთანავე.
საკრებულოს თავმჯდომარე: ბ. ნარმანია
შეტანილი ცვლილებები:
1 . ძალადაკარგულია - სენაკის მუნიციპალიტეტის საკრებულოს 2012 წლის 26 ოქტომბრის დადგენილება №29 - ვებგვერდი, 30.10.2012წ.
დანართი №1
სენაკის მუნიციპალიტეტის საკრებულოს საჯარო მოსამსახურეთა თანამდებობრივი სარგოს განაკვეთები
| № | თანამდებობათა დასახელება | თანამდებობათა სარგოები (ლარებში) | |
| 1 | საკრებულოს თავმჯდომარე | 2360 | |
| 2 | საკრებულოს თავმჯდომარის მოადგილე | 1100 | |
| 3 | საკრებულოს კომისიის თავმჯდომარე , საკრებულოს ფრაქციის თავმჯდომარე | 650 | |
| 4 | აპარატის უფროსი | 700 | |
| 5 | სხვა უფროსი საჯარო თანამდებობის პირი (განყოფილების უფროსი) | 450 | |
| უმცროსი საჯარო თანამდებობა | |||
| 6 | მთავარი სპეციალისტი | 420 | |
| 7 | წამყვანი სპეციალისტი | 380 | |
| 8 | სპეციალისტი | 320 | |