საქართველოს მთავრობის
დადგენილება №102
2005 წლის 10 ივნისი
ქ. თბილისი
,,საქართველოს შეიარაღებული ძალების კუთვნილი საპატრულო კატარღის ჩამოწერისა და დავალიანების დასაფარავად უკრაინის სახელმწიფო კომპანია ,,უკრსპეცექსპორტისათვის“ გადაცემის შესახებ“ საქართველოს მთავრობის 2004 წლის 18 სექტემბრის №82 დადგენილებაში ცვლილებების შეტანის თაობაზე
,,ნორმატიული აქტების შესახებ“ საქართველოს კანონის 36-ე მუხლის შესაბამისად, ,,საქართველოს შეიარაღებული ძალების კუთვნილი საპატრულო კატარღის ჩამოწერისა და დავალიანების დასაფარავად უკრაინის სახელმწიფო კომპანია ,,უკრსპეცექსპორტისათვის“ გადაცემის შესახებ“ საქართველოს მთავრობის 2004 წლის 18 სექტემბრის №82 დადგენილებაში შეტანილ იქნეს შემდეგი ცვლილებები:
1. დადგენილების სათაური ჩამოყალიბდეს შემდეგი რედაქციით:
,,საქართველოს შეიარაღებული ძალების კუთვნილი საპატრულო კატარღის ჩამოწერის შესახებ“.
2. დადგენილების პირველი პუნქტი ჩამოყალიბდეს შემდეგი რედაქციით:
,,1. საქართველოს თავდაცვის სამინისტრომ (ი. ოქრუაშვილი) ეკონომიკური განვითარების სამინისტროსთან შეთანხმებით მოქმედი კანონმდებლობის შესაბამისად ბალანსიდან ჩამოწეროს საპატრულო კატარღა ,,ბორტი №301“. “.
პრემიერ-მინისტრი ზ. ნოღაიდელი