ხობის მუნიციპალიტეტის საკრებულოს
დადგენილება №36
2011 წლის 10 მაისი
ქ. ხობი
„ხობის მუნიციპალიტეტის დასახლებული ტერიტორიის დასუფთავების მოსაკრებლის გადახდის ინსტრუქციის, მოსაკრებლის ოდენობის და მოსაკრებლის გადახდის ქვითრის დამტკიცების შესახებ“ ხობის მუნიციპალიტეტის საკრებულოს 2010 წლის 25 თებერვლის №141 დადგენილებაში ცვლილების შეტანის თაობაზე
„ადგილობრივი თვითმმართველობის შესახებ“ საქართველოს ორგანული კანონისა და „ნორმატიული აქტების შესახებ“ საქართველოს კანონის შესაბამისად, ხობის მუნიციპალიტეტის საკრებულო ადგენს:
1. „ხობის მუნიციპალიტეტის დასახლებული ტერიტორიის დასუფთავების მოსაკრებლის გადახდის ინსტრუქციის, მოსაკრებლის ოდენობის და მოსაკრებლის გადახდის ქვითრის დამტკიცების შესახებ“ ხობის მუნიციპალიტეტის საკრებულოს 2010 წლის 25 თებერვლის №141 დადგენილებაში (გაზეთი „ახალი სამკუთხედი“ №6-7, 15.03.2010 წ.) შეტანილ იქნეს ცვლილება და დადგენილების დანართის პირველი მუხლის მე-5 პუნქტი ჩამოყალიბდეს შემდეგი რედაქციით:
„5. ადგილობრივი თვითმმართველობის შესაბამისი სამსახურის მიერ მოსაკრებლის ამოღება ხორციელდება ამ ინსტრუქციის შესაბამისად, მოსაკრებლის გადამხდელთან გაფორმებული ხელშეკრულების საფუძველზე.“.
2. დადგენილება ძალაში შევიდეს გამოქვეყნებიდან მე-15 დღეს.
საკრებულოს თავმჯდომარე მ. ჭოხონელიძე